我自己係搞event嘅，所以喺揾wedding planner嘅時候都有比較過幾間同類型嘅公司，前期去同Palette Co.了解配套嗰陣，都有同佢哋講我嘅情況，佢哋都好樂意根據我嘅case 提出一啲注意事項，而唔係求其解答我嘅問題。👍同佢哋傾一陣就知佢哋好professional，唔係純粹喺度hea我。🧐我覺得其他wedding公司嘅sales好公式化，而Palette Co. 嘅職員俾我覺得真係好有經驗，好專業！👍我覺得將Big Day交俾佢哋會令我覺得好放心，所以最後都揀咗佢哋。

佢哋都會先了解我哋嘅要求同喜好，然後就著啲要求去幫我哋制定唔同嘅計劃。👍同佢哋溝通嘅整個過程，尤其係臨近婚禮嗰陣，特別多細節要傾，佢哋覆Message都覆得好快，無論我直接打去，佢哋都好樂意聽電話，同好有耐心去解答我嘅concern幫我解決啲問題，🥰令我覺得Palette Co.嘅職員真係好好，好似隨時standby回應我嘅call。而有一件事係令我感到非常窩心嘅，收線之後過咗唔使15分鐘，❤️佢哋就將所講嘅細節歸納同打好曬喺WhatsApp send返俾我哋！佢哋都做咗好多extra嘅嘢，都冇計較，感受到Palette Co.嘅職員係真心付出，好上心之餘仲好重視我哋。☺️

Big Day 當日我哋都好安心交俾佢哋，整個過程都好順利，我同太太都非常滿意。🥰而呢筆係我覺得今次婚禮之中，最值得使嘅一部分！佢哋係真誠咁樣去為我哋服務。

睇過Palette Co.播嘅片覺得幾好，所以就揀咗佢哋🌟。同事好專業，會提返我哋一啲冇顧及到嘅細微位置，例如關於第一次進場第二次進場嘅意見。當日出到嚟嘅效果真係好啲❣️，我同太太都好滿意同放心，令到我哋都可以練定啲細節或者注意下，我最後就用咗佢哋司儀嘅服務😚。

Zoe會問吓我哋嘅相識過程，吸引大家嘅地方同埋求婚嘅經歷，最驚喜係佢當晚唔需要任何嘅貓紙，都可以記得曬我哋所有嘅細節💯，所以我好佩服佢！Zoe 應變能力都好強，一啲突發嘅情況佢都可以應付到😝。嗰日我哋都有邀請到啲師傅上台，我太太打咗眼色俾佢，佢就即刻執生叫啲賓客拍手，多謝返一班師傅🤪。

Zoe係一個好隨和同nice嘅人，成個過程好似同朋友傾計咁樣，唔會覺得拘謹或者尷尬👍。 喺播音樂方面我都唔算好識， 我就搵咗個兄弟去幫手處理，Zoe都有比到啲意見， 例如幾時要靜，幾時要播歌，令成個流程都好順利❤️。當日佢嘅聲線都好合適，而且有高低起伏，帶動到個氣氛，大家都好享受🤩。我都會推介Palette Co.俾朋友，因為好滿意Zoe嘅服務同表現，啲師傅都讚佢可以唔洗用貓紙，真係將三四分鐘嘅細節背曬，成個過程都好滿意同愉快🔥！