我喺地鐵站見到佢哋嘅廣告，跟住就去婚展搵佢哋鋪頭俾錢。呢間嘢好受歡迎，因為標榜絕對唔係淘寶，所以啲員工唔洗sell大家都會湧去佢哋攤位排隊俾錢。 我喺Anovia租咗三件晚裝一件婚紗，不過因為我老公比較肥，我哋係婚展登記嗰陣已經同我老公講話冇佢size，所以我老公唔係好鐘意呢間嘢，但喺我自己覺得OK。招呼我嘅同事Nicky幾好，不過除咗負責自己嘅員工之外，其他人唔會太理你。 價錢可以平啲就最好，不過一分錢一分貨，因為啲衫真係靚同埋質素好，所以都可以接受。

我之前係France Bridal有好唔愉快嘅經歷，我朋友知道左，就叫我去呢間睇。本身我都唔太想再試，因為已經commit左好多錢，但畢竟始終都未揀到婚紗，最後揀左一條打底，一件婚紗同一條敬酒用嘅裙，出到黎嘅結果係個個都話兩條裙靚。 個sales叫Joan，好細心。初頭佢有揀一揀啲客，廢事啲人唔係真心想黎試衫，所以試衫都要俾錢先。呢度試衫其實仲貴，一試左唔要條裙就要俾成千蚊。不過呢度啲衫好乾淨，亦都好靚，服務態度又好好。當然同左我熟啲之後服務態度先會好，始終有啲客未必真心想黎試衫，件件衫都摸過唔知做乜啲衫都唔洗要啦。 因為有左之前九個月係France Bridal嘅經驗，同埋佢又唔俾我影相，所以我睇哂佢所有album畫好哂啲款，然後再諗咁多款入面我會揀邊兩條試。因為試一條裙要一千，而租一條就差唔多二千幾三千，於是我諗住放低二千幾蚊試兩條。可能佢見我都坐係到揀左好耐都係有誠意嘅，所以就俾多幾款舊年嘅叫我可以睇下。Joan俾我嘅感覺係好爽直同埋做野好勤快，仲會諗我嘅身型應該襯邊幾款裙，幫我揀左啲最啱我嘅衫，每個人都話我嘅婚紗同埋敬酒裙好靚。Monalisa嘅裙雖然都好靚，但唔會幫你揀啱你嘅裙，同埋為左唔得失啲客，會揀返你鐘意嘅款俾你試，所以衰左就唔關佢地事，但我需要嘅就係要俾啲意見我。我問 Anovia會唔會介意我叫媽媽上黎，然後試啲裙俾佢睇，同埋未來老公又會再上黎一次，佢都唔介意我煩完全冇問題。由我commit左條裙一直去到最尾，佢地個service都一直咁好。 雖然租婚紗好睇彩數，但我諗無論遇到咩sales，都應該同返佢講你嘅喜好，雖然佢諗唔諗係佢額外嘅service，但如果你唔講，佢地真係揀唔到裙。同埋唔可以完全旨意佢地可以俾到啲建議你先，所以一定要先清楚自己想要啲乜野。