我哋想搵一個outdoor area，比較寬敞開揚，最好對海、有草地、接近大自然，所以市面上選擇唔多。而且我哋人數比較多，所以愉景灣酒店係best choice 😁最吸引我係佢哋嘅白色小教堂，有啲似台灣嗰個教堂😇好多賓客都話個場地好好，而且無柱，影相無野擋住，屋企人都話個floor plan好好。我哋擺咗26枱，而每一枱同中心嘅距離都好近！台喺正中間，然後打橫排三排，頭兩排九張枱，最後一排八張，個台好大，所以每一枱同大台感覺都好近👍🏽主家席係素食食物，味道好好😋而我嘅朋友係食肉，佢哋就話一般，唔係特別好。負責跟我哋個位同事好盡責、thoughtful，幫我哋搵到最平嘅discount價錢，話畀我哋知婚展上訂會平啲、多啲優惠，包兩晚房、小食等，職員好helpful。我哋住嗰兩晚嘅套房非常好，我另外有幫阿媽book咗一間普通房，嗰間就冇乜特別。另外，賓客有反映過個廁所唔太好，以一間酒店嘅水準嚟講唔算太整潔，個Bridal room亦有少少窄同殘舊😬 啲賓客比較滿意個場地，有foyer同小樓柱，成個感覺好靚，可以影好多靚相！小教堂更係一個highlight！

因為我實在太鐘意愉景灣個教堂，所以無論價錢幾貴同埋服務幾差都好，我自己都好滿意。 因為去呢個場地一定要用佢哋指定嘅船，加上愉景灣又唔可以自己揸車入去，於是我哋book咗酒店隻船來回教堂，呢到已經差唔多用咗一萬蚊。因為冇買到食物service，所以連杯水都冇俾我，好彩我哋之前去咗伊甸園食完嘢先上船，所以都還好。 服務方面令我好失望。我一早定咗日子，book咗三點嘅section，佢email confirm咗之後冇耐打俾我，話system crash咗所以同事唔小心幫咗另一對新人book咗呢段時間，仲話佢哋連contract都簽埋，所以要我哋改期。 之後發現攞咗我個場嘅係我老公朋友嘅同事，所以有賓客參加完我哋個婚禮之後就直接留低去埋另一個婚禮。聽佢哋講返，應該喺因為嗰隊新人會喺嗰到擺埋酒，所以酒店方面就reserve埋擺酒前嗰段時間俾佢哋，所以我諗其實喺佢哋呃咗我。如果冇記錯，應該喺Wendy搞錯booking，最後佢哋sales team嘅director Jacqueline幫我哋，將時間改早咗去一點半。 我有朋友早我半年喺到擺酒，都發現服務好不濟，佢出完floor plan之後酒店先唔包得場，因為驚阻住個出入口。所以佢一聽到我講負責我booking嘅又係Wendy同Subie佢哋，已經講咗佢哋服務一定好唔得，永遠都答唔到問題，而結果真係同佢講嘅一樣。