(彩福石門店) 我本身想揀酒店既，但睇左幾間樓底都唔高，咁去到尖東彩福佢地就比左ipad我睇，睇到晒全港彩福既相，咁就見到石門呢間有得包場要埋個空中花園，咁就話原來石門重新裝修，我地去左石門睇過後就落訂要左。係傾既時候，Ｄ經理都解釋得好詳細，因為我本身係尖東個間傾，佢都專登黎石門再講解一次！咁去到big day個日，Ｄ侍應都好好笑容，仲有2個姐姐全程跟住我，又會扶我起身，擺裙，好貼心！Ｄ食物水準都幾好，特別係個翅好足料，鮑魚都入味！最難忘係成個預準過程中，我都好忙，我交晒比佢地負責，佢地會主動提我試下Ｄ片，confirm個菜單個Ｄ餸，全部都好自動波！

(彩福石門店) 我係呢到擺左25圍，我揀佢地因為佢地好新，佢附近個幾間都比較舊，而呢間就比較樓底高無柱，仲有個空中花園比埋你用，個場又四四方方，所以就要左！ Big Day 嗰日食我無乜時間食嘢，但聽翻屋企人講Ｄ食物夠熱同好食既。 接洽個時我地好多嘢問，個經理都好有耐性答，又覆得快，我本身想擺20圍，但好後期先發現唔夠要加枱，佢地都即時配合到我，又重新編過個seating plan，佢地手腳好快，又處理得好好！真係做得幾好，由傾到big day 都好take care新人感受，知我地第一次，乜都教我地，連斟茶比長輩Ｄ茶葉同紅棗都幫我地準備好埋，超唔話得！！！