Chris 俾我既感覺就喺好有經驗，佢除咗攝影俾咗好多專業意見我之外，佢就連我當日既rundown安排，注意事項等等都會幫我著想。諗返真係好似當咗佢喺我既coordinator咁！：） 揀Chris嘅原因喺因為佢影相嘅style幾適合我哋，唔會喺嗰啲好“做作”既style，感覺自然又舒服。 Chris喺嗰啲比較隨意嘅攝影手法，佢有自己既諗法而佢個人都幾主觀。佢唔會刻意教我哋點做點擺pose，雖然我自己大部分都鍾意啲不經意既shot，但平衡返對啲比較fresh嘅新人嚟講，可能都係有返少少guideline教我哋點做會好啲。 記得當日佢好nice，亦好準時，全日都好active亦都好主動。相方面我哋都幾滿意，因為聽朋友講，佢哋嘅攝影師未必俾佢拎齊所有相，但Chris呢，就所有要俾嘅嘢都俾哂我，要做嘅嘢都做哂，所以好開心！

婚禮籌備有好多嘢要安排，我間間都會搵幾間嚟比較吓，而唯一我影相就只係搵Chris而邊個都無搵喇！點解我咁信佢都係因為係佢Facebook見到佢晚宴啲相，當時見到印象好深刻，覺得佢影得好靚！之後再上佢個網睇，簡單啲講，真係好啱feel，雖然Chris個價錢真係偏貴既，但話晒影相係婚禮咁重要既一環，除咗我自己睇之外仲要俾屋企人同for我啲賓客睇返，所以當事就寧願貴D都揀阿Chris幫我影。 由confirm 阿Chris 到bigday中間都仲有成年幾嘅時間，我真係差唔多經過都會去搵吓佢，基本上如果佢得閒的話佢都會教到我同提點到我好多嘢。 譬如影相時個表情要點吖、pose要點吖、花球同埋頭紗又點吖等等，而重點係呢D種種資料都係佢Chris自己主動同我講既，我係完全唔駛出聲問既！不但止我唔駛主動問佢都會幫我諗，佢仲要係好好傾既，佢同客人真係有好多溝通，完全唔hard-sell，就算佢本身可以on top加一啲service，但佢從來冇主動sell過我，呢點令人感覺好好！ Big Day當日佢好準時，同埋我覺得佢哋個影相模式好得意，因為之前見朋友嘅攝影師成日都會叫新人要點擺點擺啲pose，又要點樣望過嚟等等。咁我以為阿Chris都喺咁啦，點知佢哋係幾乎完全無既！佢哋prefer好自然嗰啲神情，基本上佢哋幾時影幾時係我邊到我都係唔知既，但係佢哋又真係影到好多相嗰喎，又真係影到啲嘢出嚟嗰喎～！！好似我咁傻氣嘅新娘子可能會影到好多開懷大笑嘅相，而且我覺得不經意嘅神情係令人覺得最舒服既。宜家睇返我諗我會prefer七成好似Chris咁影呢啲咁自然嘅相，而因為我本身唔識擺pose啦，所以如果可以三成既相教同埋提點我影啲pose想就更好喇～！ 當晚好記得佢同埋班同事都留到好夜，起碼都成11點，絕對無講話夠鐘要走人而係會默默咁响附近等我，有時我要影相都會叫佢幫手，直到我覺得差唔多時間就叫佢走。 一定要提條尾數，因為我哋條尾數係遲俾既～！！唉，因為我哋係張票到寫錯咗啲嘢搞到張票過唔到數，咁阿Chris想聯絡我哋既時候我哋又咁啱去咗旅行，佢都好好咁話：“噢，等你哋返嚟先啦！”，呢樣真係好好好好！ 我依加淨係睇咗一部分snapshot，覺得幾靚，亦好鐘意個style！希望Chris可以keep住呢種樂於助人既性格，亦好多謝佢成隊team都咁好。