租婚紗我哋係搵Dream Wedding嘅，佢哋唔同嘅地方係唔會不停咁chur你同埋sell你嘢，佢會先了解咗你想要點樣嘅衫﹑了解咗你嘅要求先，感覺舒服啲，真係可以認真坐低了解吓。當日服務我哋嘅同事叫Anna，可能佢份人比較搞笑，所以成個過程同埋氣氛都係好輕鬆。當日嘅氣氛都好好，Anna同我哋有講有笑咁，令到我哋覺得好似做緊一件好輕鬆嘅事咁! 揀衫方面佢哋係可以喺未落單前俾我試衫，又話試一兩件唔鐘意都可以選擇唔要，就算真係唔join佢都okay，我最後試咗四﹑五件，而佢係冇收我錢。佢啲衫都幾新，而佢喺我落咗訂之後都攞咗幾套新衫俾我。我途中big day係改咗日子，我要求要改衫佢都有改到俾我。之後攞衫時啲衫雖然唔算好新，但都係乾淨嘅。

呢件旗袍只喺租咗一千蚊，我覺得好抵！原先冇諗過喺金都租衫，但因為喺我prewedding攝影師嘅作品入面，見到有個女仔著呢間嘅旗袍影得好靚，特登喺Facebook搵個女仔問佢喺邊租，佢就俾埋電話地址我。去完之後試上身覺得OK，加上價錢又唔貴，所以就租咗。雖然員工個態度麻麻地，但因為個款真喺好好同埋好鐘意，所以為咗個款就租咗，而嗰日亦有好多親戚讚條旗袍靚！