我去韓國影pre-wedding 係經一間叫EZ Wedding既Agent去既。其實最出名既agent係SA， 但係SA個價錢要三萬幾，太貴啦。其實韓國俾我地睇既相簿全部都係model 影既，好難比較，所以主要都係比較價錢。最後搵到EZ wedding，價錢真係好合理，韓國pre-wedding 可以below 20000好難得。我係一日裡面影曬所有野，但係就包好少outdoor，因為係韓國影outdoor 好貴。 香港個sales 好有誠意，我上去問過兩三次，都有加左d 野，同埋最有印象係佢真係搵到client 俾本相簿我望，d 相都真係幾靚。EZ有around 十個studio 俾我揀，每個studio 都有唔同style，我最後揀左係清洲既studio。個package比較吸引既係會包兩晚酒店同接送，首爾去清洲都要兩個幾鐘，另外仲包埋翻譯同lunch。 我係因為韓國妝靚所以先想去韓國影，最後個妝都真係靚，睇得出好細心。仲有影相個日翻譯姐姐個人好好，全程都陪住我，個人好nice，除左翻譯之外仲好主動幫我用我部手機幫我影相，真係好感激佢。最好就係個日可以係studio 即刻攞番d 相，因為我先生好聰明有帶usb 去copy d 相，然後成個人安心曬，唔駛擔心agent 要加d 咩錢。 最後agent 用cd 俾番曬所有相我，然後我就揀相做相簿。我total 整左兩本相簿，一本係韓國做既，另一本係agent 送既，相簿ok，不過執相一般，佢幫我執走曬個卧蠶好奇怪，我最後係自己執個樣，然後要佢淨係執背景。另外都有送簽名簿同埋有一隻有幕後花絮既CD。 我上網見到EZ有d 唔好既comment, 但係我又覺得唔係咁差。我覺得係d 人唔好彩遇到唔好既studio 同photographer，因為我去個到真係好好。