因為我係中上環嗰度住，就想搵返附近嘅舖頭。第一次見面嘅時候感覺都OK，但只係可以試三件，試完第一件之後第二、三件每件都要加100蚊。試完覺得都ok，婚紗選擇都得多，但係晚裝就比較少。我見佢地價錢又合理，所以揀咗佢地。

店員都有禮貌，而且都算幾有耐性，因為我有去睇過其他婚紗店，有啲就覺得你只係睇下唔會好落力咁幫你，但FOI啲員工就唔同，都算係幾helpful！但係試衫嘅時候可能會有兩對couple喺度，就有啲唔係咁方便。雖然同一個area有兩個換衫位，但係出嚟比人睇嘅嗰個area就無，所以覺得個privacy麻麻地，因為都唔係好想俾其他男仔見到。 另外，佢confirm咗之後就只可以平日去試，而weekend就只可以唔知1點定2點前，即係要早上，就唔係好方便，因為我正常office hour都好難去到～

我租咗一件婚紗同一件晚裝，係一個package嚟，不過我揀嗰條婚紗就要upgrade fee，好似800蚊。之後晚裝我都揀咗一條designer嘅款要加少少錢，但都有65折。佢地嘅婚紗質素都keep得幾好，我揀嗰條係意大利婚紗，不過唔記得咩牌子，quality都幾好！ 還衫程序都好快手，佢地睇一睇就比返張按金cheque我～～

去Foi Wedding之前我已經有睇過其他公司，不過一係就價錢貴但係D衫唔靚，一係就size好細，唔啱我。後來我喺google度search 到Foi Wedding，就決定去睇埋呢間。我上到去Foi Wedding一睇，見佢地都有啱我size，同埋價錢都係好reasonable，就已經決定搵佢地。同埋當日特別有一位同事服務得好好！因為我都好多時係夜收工，時間都好難夾，但係佢真係好盡力咁就我時間，好盡力去配合，我覺得佢嘅customer service真係好好，好醒目！我一去到，試咗三件就已經睇中咗～ 佢地啲衫都keep得好好，同埋試衫個環境都係乾淨、舒服齊整。我D同事朋友問我喺邊間租衫，我都highly recommend 佢地搵Foi Wedding，D服務真係好好～