本身我自己心入面都有啲想要嘅款，之後睇到Foi Wedding show啲相同我心目中想要啲款都幾相近（係simple啲但係都要好grand嘅效果，而且唔太傳統)，所以就make咗appointment去試吓。

佢哋嘅服務好nice，唔會好push你，可以試得好relax。之前我去過嘅另外兩間其中一間就係太hard sell太push 所以我唔鍾意。佢哋個度因為只係得兩間fitting rooms所以需要等，有時候上一對客人未試完，啲sales都會覺得唔好意思 。你會睇得出佢哋好盡力咁幫上一對客人試嘅同時又會講返一啲嘢係照顧返等緊嘅客人嘅感受，都好caring。佢哋款都多，有得選擇吓，想要grand/sexy/其他你講得出嘅款佢都會搵到幾件比你試。連媽媽裙都有得選擇，雖然唔太young 亦都唔係想像中咁老。

我前後租咗一條婚紗兩件晚裝，兩套係自己嘅，一條晚裝係for媽媽。質料方面，著上身兩件lace都會緊貼住，好just fit 好靚，不過相對上就會脆弱少少。媽媽果條係薄紗珠片，結婚當日啲人讚媽媽條裙仲多過自己條晚裝裙添！試嗰陣如果見到上一手用完條裙有污跡你同番佢講，下一次佢比你既時候就會清潔返好，佢哋知道甩左珠仔亦會幫你釘番好。而且成個fitting 到最後佢會同你一齊check，然後有單寫明邊到甩左粒珠，自己都覺得幾安心，唔怕還衫時出問題。

之後我都有啲overseas既events要租衫都想去搵返佢哋，因為對佢哋嘅服務好滿意加上staffs好nice！佢哋有嘅款同quality都好靚，亦都跟得好足。例如我有啲頭紗、鑽飾揀咗，但當日我唔係自己去拎，佢哋都會知道邊條打邊條，因為佢哋一早已經將所有揀好咗嘅野都放咗入袋同盒度，仲貼好咗我個名上去，成盒交比我老公就可以make sure唔會有錯。

我覺得佢哋可以再改善嘅空間就係人手唔係好足，sales得兩個，然後改衫師傅一個，同埋如果fitting room再多一個就好喇！ 改衫方面佢哋都幾好，半個鐘左右就改完，而且睇唔到邊度摺咗釘咗。 如果有朋友想租晚裝我都好recommend佢哋，一來價錢唔算貴，二來性價比幾高，之前去第二間睇，租一條婚紗要三萬覺得好貴！呢度租一條婚紗加兩件晚裝都係一萬六千幾咋！

當我哋計劃咗影pre-weddingz，就買啲婚紗雜誌嚟睇，之後跟住個list逐間睇然後再cross out，最後揀中Foi D裙。 最後，我買咗2條裙去外國度影prewedding。我買咗一條紫色裙，係西班牙牌子；另一件就係露肩白色婚紗，雖然design好plain，但睇得出個質料好靚。