當初想擺洲際，但係俾我嗰間房太細，但大嗰個 Ballroom 又太大。Four Seasons 就好啱我圍數要求。加上樓底夠高，高過我有考慮過既尖沙嘴Langham。Sales好 professional，聽完佢講所有配套後，雖然out budget但最後都俾貴啲揀佢。其實Ritz Carlton 都有考慮，但細無奈嗰個Sales態度太差，白鴿眼，加上Ritz Carlton嗰 Brand感覺比較大陸啲，唔夠 Four Seasons 咁嚟得“清純”。 賓客反應好好，話服侍佢地既waiter好好服務，例如添飲品好快好週到。仲有就係當晚照顧住我嗰位同事真係好細心，好有禮貌，拉裙會幫妳啦，見到需要幫手都會主動去幫，總之就係跟得好貼，服務好窩心！食物質素好好，最窩心就係當晚完咗之後，佢同事囉上嚟我房啲食物都仲係熱既！證明真係有為我著想，好細心。 場地本身既decoration可以好啲。如果我唔搵decoration house既話，酒店本身係唔夠既。Given 一間咁貴既酒店，佢本身既decoration應該要好D，宜家實在係太bare太plain。價格方面真係貴，但係當將sevice加食物加所有配套一齊衡量既話就worth既！