我由細到大都好鍾意迪士尼，最鍾意就係D公主～不嬲我生日嗰日都會同男朋友去迪士尼度玩，因為好鍾意迪士尼佢好夢幻，好magical，所以到考慮婚禮場地嘅時候，迪士尼就絕對成為咗選擇之一。我諗好多女仔都同我一樣，都會好想自己嫁個陣可以好似一個公主咁～

不過我哋都唔係一開始就揀好迪士尼，都睇過其他場地。我哋之前都參加過其他婚禮，雖然唔係好多，但我哋都覺得人地可能會使好多錢喺佈置上面，所以當我哋揀場地嗰時就想揀個場地本身已經夠靚嘅地方，唔使點樣佈置，例如係1881Heritage同山頂餐廳都有睇過。但係1881Heritage圍數太少，我哋都要大概300幾個guests，所以唔啱。山頂餐廳雖然好靚，但係就中間有好多間隔，變左我哋要整埋現場直播先得，所以最後都係決定迪士尼。

我哋簽contract嗰陣，其實meet唔到佢哋個promotional period，但係佢哋都幫我哋爭取左好多discount～！一開始個manager同我地落實咗D野，再pass俾第二個，佢哋都係介紹得好好，好詳細，D deadline又好清楚。同埋佢哋幫我哋寫埋rundown，配合到哂我地D要求，仲要唔使錢！！我有D朋友喺D大酒店度擺酒都唔包呢啲服務，結果佢哋就要自己喺出面俾錢請wedding planner，仲要寫得唔好～所以迪士尼呢邊有咁嘅服務，唔使錢又處理得好好，我哋都覺得值得一讚～

big day當日D服務都好好，跟住我嗰個staff照顧得我好好，帶我去唔同地方，又幫我攞住條裙。我奶奶著高跟鞋著左成日，去到最後直情攰到除左隻鞋，跟住個位姐姐追住佢出黎，特登攞對拖鞋俾佢，真係好貼心。D野食，之前都聽人講過話幾好味，我哋要咗中式，大家都讚好味。特別係個甜品，個個都讚～

宴會完咗之後x08，我D朋友仲有上去after party同埋倒數。大家都玩到好癲，搞到啲嘢好亂。我哋都好唔好意思，但係staff開門見到都只係微笑咁話都唔係好亂炸嘛～完全冇話我哋或黑面。整體我地都真係好滿意～

仲有一樣～就係我哋喺2017.12.31結婚，上年佢哋有送個月曆俾我地，但到咗今年佢哋竟然仲記得我地，仲whatsapp問我哋想唔想佢哋寄返新一個月曆俾我哋，好有人情味！

我哋結婚之前已經好鐘意迪士尼酒店嘅環境，所以結婚都冇睇過其他酒店，一嚟就book迪士尼。首先遠離煩囂，入到去好似真係去咗一個度假勝地咁，將自己嘅壓力完全放低，同埋之前我未被人求婚之前都做過啲research，啲人都話入面service好好，好貼心，覺得佢好與別不同，所以就揀咗。 場地其實唔難搵，由被求婚到擺酒都兩年，我哋兩年前已經book咗迪士尼，嗰時好易book，都驚加價，所以盡早book。都知迪士尼好搶手，所以一夾咗個期就即刻打去迪士尼問。另外都知道每年加價，早啲book計翻舊個價錢，反正都有個期，就決定早啲book。我哋首先打電話去sales department，就有人打翻比我哋傾各樣detail。Serve嗰位同事叫Vicky，佢好好，好親切，好有耐性，我哋兩個都好多問題，好多都好無聊，但佢都好耐心咁答我哋。例如迪士尼wedding有分好多唔同theme，只可以係嗰四個theme入面揀，我自己係度諗，如果我鐘意Toy Story，可唔可以將個場變Toy Story，但其實係唔得，因為迪士尼嘅朋友只可以係合適嘅環境出現，Toy Story係玩具世界，所以佢哋唔可以出現。我哋問咗好多類似嘅問題，佢都好耐心咁解答我哋，態度好好。同埋我哋都用咗唔太適當嘅詞語稱呼佢哋，例如要搵公仔大概要幾錢，其實我哋應該稱呼佢哋做迪士尼朋友。 婚宴當日，每一個岡位都好貼心，同其他酒店婚宴唔同嘅係佢哋每一樣嘢都好專業，例如播音樂佢哋真係有監製係後面決定幾時咩位去播，有一個音樂監製同埋三個crew，我可以節省咗呢筆錢。如果你係出面酒店擺酒，想音樂做得專業啲，就要係出面請隊人幫你負責播放現場音樂，但呢樣迪士尼包埋，我覺得咁樣好好，我哋就無需要顧及咁多嘢。佢哋播音樂嘅位真係好準，落蛋糕嗰一吓，個音樂就會播出嚟，個位真係好準。同埋佢哋有stage management，負責台上各樣表演，或者幾時出場，佢負責一個統籌嘅角色，好似一場show咁，有一個現場監製去決定每一個呢一刻做咩嘢，或者MC要講多幾分鐘嘢，都會比個signal佢，呢樣係出面酒店唔會有，又係迪士尼包埋，我好surprise，真係好專業好貼心。賓客feedback翻嚟都話啲嘢好好食，都係熱辣辣嘅，食物夠熱，乳豬夠脆，甜品好食、擺設好精緻，聽翻嚟都係好。 但我覺得有啲位嚴咗少少，我哋好想甜品有迪士尼造型，原本想係出面搵bakery做，但比咗好多樣版佢哋都唔成功，因為可能侵權所以唔批准，但我自己私底下知道，過往有人係迪士尼擺酒係有人批准嘅，比佢哋係出面搵公司做，我唔知點解我哋又唔批。舉個例，有哋曲奇餅係公主造型嘅裙，糖霜曲奇餅，宜家好興，當然冇公主個頭，純粹條裙，一睇落去就知道係公主裙，另外仲有Tsum Tsum，但呢啲全部唔批准，因為涉及版權問題。其實我哋真係好想整，如果呢度放寬少少會好啲。如果真係覺得侵權，會唔會話新人比翻少少版權費，就可以比佢哋擺係迪士尼大堂比啲賓客食呢？之後佢都有一個版建議比我哋，佢就話不如幫我哋做某幾款macaron，由佢哋餅房去整，最後都算解決咗件事，都okay嘅。美中不足嘅係某幾款造型嘅曲奇餅同macaron我哋真係好想要出現係我哋wedding，但就唔可以整出嚟，即使係出面餅房整都唔得。但態度okay嘅，好盡力幫我哋解決問題，只不過公司品牌有規例規限住，好想幫我哋都幫唔到。u3000 另外有個位都嚴咗啲，我哋想係出面整個second backdrop，但就規限咗一定要用防火物料，呢一樣令我哋出去搵人做second backdrop個價錢double咗，首先因為個物料，第二我哋要搵一個認可嘅contractor幫我哋搭建，呢度全部都係要double價錢。但我知道出面擺酒係唔需要防火物料，就唔需要認可嘅contractor，價錢可以縮減好多。可能迪士尼好多嘢都要安全，呢樣我覺得嚴咗少少。 同埋希望late check out唔好咁貴就好，佢哋都已經比我哋exempt去到十一、二點，但其實我哋想加多半日，因為真係好攰，所以想晏少少走，但原來遲走要比翻原價，我哋就覺得好貴，如果可以比多啲discount就好。 仲有樣好感激迪士尼嘅事係臨結婚嗰時，我屋企有啲會變動嘅因素，屋企人身體麻麻地，我哋嗰時都唔知可唔可以如期搞到個婚禮，所以即時同迪士尼講，嗰時距離結婚大概仲有兩個月。迪士尼好好，比我哋internal mark第二日available嘅日子，仲要係唔洗加錢，比我哋hold住個場，無條件地hold住個場。所以最後我哋12月結婚，仲有一個2018年6月嘅期，比我哋做一個後備選擇。我覺得呢嗰好好，佢哋係我哋屋企人唔舒服、好多嘢需要做backup嘅時候，佢哋幫我哋解決咗一個大難題，同埋佢哋唔收我哋extra cost，我覺得真係好好。