我哋係行婚展嘅時候見到 Je T'aime Beaucoup嘅，覺得咁多間入面最鍾意佢哋擺出嚟嘅衫，所以就即場落咗訂決定去試啦😆。喺婚展介紹嘅時候佢哋唔會好hard sell，唔會叫我哋一定要join某一個package，可以落少少訂hold住婚展嘅價，事後再約時間上佢哋嘅office試身同決定要咩package，最後就租咗婚紗晚裝同埋一套男士禮服。

佢哋試衫嘅地方好大好舒服，我去嗰個time slot就淨係得我一個喺度試，佢哋無特別限時同限試幾多件。試到最後最多都係得兩個人，佢哋員工係足夠人招呼我哋嘅。我本身已經好鍾意佢哋嘅風格啦😍，係比較歐美少少同elegant嘅款，員工會因應我自己揀咗鍾意嘅款再搵類似嗰個類型嘅其他裙，睇我會唔會想試。不過佢哋轉款方面就會比較嚴謹，淨係可以big day前轉一次，所以我中間就無再特登上去試，等到最後先上去再試同confirm個款啦。

揀完款到攞裙中間都隔咗一段時間，我攞返嚟擺喺房都依然覺得好鍾意啊😇。最貼心嘅係final fit嘅時候佢哋好專業細心，因為條裙有啲鬆，佢哋幫我試嘅時候就會好細心咁幫我改貼身啲，甚至有啲位係我自己都睇唔到嘅，因為佢哋知道條裙點樣係可以著得最好睇，真係好專業，唔會求其改完就趕我走咁，最後大家都讚條裙好靚🥰。

我先生租嘅嗰套係燕尾服，好fit size，因為佢哋都有盡量幫佢改到最貼佢嘅身型同褲長。我第一次上去嘅時候都係試咗一個鐘左右，試咗三件婚紗兩條晚裝。如果佢哋可以唔好淨係限轉一次款就更加好啦，因為始終大家都會好想試多幾次，同埋我見其他鋪頭會返啲新款，咁見到新款又會想再試下睇下會唔會啱，佢哋淨係可以轉一次就代表我試嘅機會好少啦🙈。

我會介紹Je T'aime Beaucou俾其他朋友，因為佢哋嘅婚紗真係好靚，一行出大家都會「嘩」咁🤩。同埋佢哋嘅價錢合理，雖然男士禮服喺出面買都好平，但係因為我哋覺得燕尾服好難有機會再著返，所以租就抵啲啦。比較西式或者比較有女人味嘅新娘就好適合佢哋啦，同埋佢哋都有簡約款，因為我自己都係偏向簡約風嘅，喺佢哋嗰度可以揀到哋有少少details又唔會好誇張嘅，簡潔得嚟都有嘢睇🥳。

我係喺婚展認識到Je T'aime嘅，佢哋擺出嚟嘅衫一下就吸引咗我，所以無咩比較到其他間就揀咗佢哋啦。一開始喺婚展同佢哋傾都好舒服，唔會好hard sell，之後whatsapp溝通，我問嘢佢哋都會好快覆，佢哋人手又充足，唔洗成日等。之後上到去試衫，成個過程佢哋都好細心，會幫我搞好晒所有嘢，服務都幾好👍🏻。佢哋就會俾咗部iPad俾我揀款先，但因為我喺婚展見到幾個款都已經好鍾意，所以都已經hold咗幾條晚裝，咁就可以直接試。之後揀婚紗因為我都好知自己要咩，所以都好快就揀到。不過我開頭試咗幾條上身都覺得唔係好啱，佢哋見到就拎咗第二條俾我試，我一試就好鍾意，就揀咗喺婚禮著嗰條啦😆。佢哋真係好清楚我想要啲咩，會拎返啲符合我要求嘅裙俾我試，所以我都唔係揀咗好耐。佢哋係會配埋首飾嘅，同埋最緊要佢哋有埋裙褂，咁就可以一次過還晒。我自己對裙褂唔係好高要求嘅，啱身就得㗎啦，人哋話越多金線就越貴，咁佢哋都有60-70%係金銀線，著上身又超瘦超修身，所以我都好鍾意🥰。最後就係佢哋嗰度租咗十套衫，有五條我嘅裙、四套媽媽衫同一套男士禮服。試衫環境方面都好好，佢哋喺寬敞嘅，上到去個office都好舒服好乾淨。同時都會有一兩對新人喺度試衫嘅，但都唔會覺得好侷促，試衫嘅時候都會閂晒簾，之後會有個同事會入嚟幫我手試。我都係婚禮前一日就去佢哋度拎衫，租咗三日兩夜，之後喺婚禮之後嗰日就還返，租衫還衫嘅地點喺尖沙咀都好方便。媽媽衫都係佢哋俾意見揀咗幾件，之後試咗就覺得好滿意好鍾意。不過佢哋新郎嘅禮服款式就會少啲，因為西裝嚟嚟去去都係揀顏色，如果可以有多啲款揀就更加好啦。我都會介紹佢哋俾其他新人朋友，因為婚展睇咗幾間覺得佢哋價錢都合理，婚展join都有好多優惠，拖尾唔洗加錢、首飾又包埋、改衫都唔洗加錢，同埋新娘嘅款式選擇好多，quality都係靚嘅😍。有要求嘅新人就好啱佢哋啦，佢哋都會好細心咁揀款，會望清楚你需要咩先俾你，唔會求其攞件出嚟。