我哋係喺婚展接觸到Je T'aime嘅，見到佢哋擺出嚟嘅衫好靚，同埋前兩年有friend結婚都係著佢哋嘅裙，出嚟嘅效果都好好。啲衫嘅質素好價錢又公道，所以最後就揀咗佢哋啦。最後租咗1套禮服4套婚紗晚裝，套白色主婚紗第一眼喺婚展見到已經覺得好鍾意😍。上到去舖頭睇佢哋都有好多款，款式又新穎同有個人風格啲，唔同style嘅人都可以揀到啱自己嘅衫，仲無咁易同人撞款。喺試嘅過程，因為我好怕麻煩，未認真試過就求其揀咗幾套，嗰度嘅staff就鼓勵我試多幾套，好有耐心咁拎咗好多款俾我試，而且解釋得好清晰，又會白紙黑字咁寫哂出黎。又會幫我分析我嘅身型著咩款好睇啲，都好幫得手👍🏻。

我係因為婚展先認識Jetaime Beaucoup嘅，嗰陣個booth display出嚟嘅衫好elegant，好啱我嘅style，所以我就去咗睇。個陣佢哋sell我都唔會好chur，都比好多空間我睇。當我上到佢哋公司睇嘅時候，款式係多嘅，但晚禮服相對嚟講就唔太多，雖然擺得出嚟嘅都好靚。不過其實呢個都係一個好處，因為佢哋啲款貴精不貴多，啲style都貫切始終(比較elegant同fancy，但又唔會好浮誇咁)，唔會令我花多眼亂。我當時就租咗十套(每件平均八百幾蚊)for屋企人、新郎、自己。講真，媽媽個套真係ok嘅，但比新郎嗰套禮服就覺得可以更多碼數、更多款式、或者更新淨，中式禮服都還好，但西式禮服真係唔太掂，因為佢哋唔會為男士而改碼，反而女士又會肯改，同埋sell我哋嗰陣都無提到呢點，咁無人會expect十套都係由新娘著㗎嘛，我覺得呢兩點可以注意吓！而且比新娘fitting就可以好多時間，男士卻只得一個鐘，我知好多新娘都係會咁試，但係我都會想我老公有多啲時間揀真啲㗎嘛，呢part好體現呢間鋪好重女輕男😝。我又唔係話好唔滿意嘅，不過又無expect有咁大嘅差別待遇😅。佢哋啲staff嘅反應都好ok嘅，需然如果可以再多返D笑容就更好。 另外bigday化妝我都搵咗佢哋，當時上到去試妝就一拍即合。最後出到嚟個效果不但唔會太誇張，就算我有其他意見，Janet(化妝師)都好聽我意見去執，十分上心👍🏼。同埋有啲咩位佢覺得唔啱我，佢都會好坦白咁講，我比啲圖佢去化佢都會跟足。雖然bigday同試妝相隔一年，但佢嘅水準都keep得好好。重點係Janet佢好識尊重客人，好幫得手👏🏼！最難忘個位就係我講speech嗰陣我喊到眼睫毛都甩埋，但佢即刻喺台下standby幫我補妝。另外要幫手著衫嗰啲位佢都好helpful，仲有就係你知新婚喺結婚當日心情好焦躁，Janet有calm down我嘅心情同埋幫手打圓場。總括而言，化妝嗰方面就真係好抵同埋價錢好合理，衫嘅話都可以考慮，但整體都真係好唔錯。