呢間婚紗店係我阿嫂介紹，佢哋嘅款式都好多選擇。試婚紗當日，職員解釋得好詳盡，啲衫喺邊度嚟、有啲咩特點、靚喺邊個位等等，令我揀到一件啱自己嘅婚紗，所以我試完覺得鍾意就即刻決定。我揀咗一件後面露背（都露得幾多），前面係lace、高高地嘅魚尾款式。結婚前一個月上去做final fit，佢哋幫我改返啱件衫，非常貼身！