香港男士禮服冇乜選擇，嚟嚟去去都係嗰幾間。自己都有睇租婚紗租埋禮服，但係package啲禮服真係比較弱。我嘅要求最緊要係fit size，因為禮服cutting唔靚就唔好睇，身型唔好都出哂嚟，所以專做男士禮服嗰啲就會好啲。而且因為我係著Tuxedo，cutting更加重要，如果cutting唔好就會拉矮個人。 上到去試，佢哋款式都好多，服務我嘅店員叫May May，好helpfu！因為其實禮服自己冇咩機會著，所以對禮服冇咩認識。而May May對禮服好熟悉，話俾我聽好多要注意嘅細節，點樣分禮服呀等等。有啲嘢我自己都冇諗過，佢又會幫我諗埋，俾咗好多意見我。雖然我只係租衫，但都搵到cutting同款式都好靚嘅禮服，所以好滿意！

我先生租衫係搵咗Mode，之前我伴娘老公都係揀Mode，我當初都有陪佢上去試衫，覺得啲衫好靚好firm，啲cut係比較asian，我先生著咗好slim，條褲都係slim fit褲腳，啲款都係trendy。Mode仲要年年轉款，同我上次去相比已經多咗好多選擇，唔怕同人撞。 我哋租咗兩套，一套tuxedo用嚟行禮，另一套粉藍色西裝襯番我。Mode啲衫咩style都有，要grand啲又得，要trendy又得，任君選擇。