我哋要搵咗Photolunch影big day, 佢哋包兩個P兩個V，一個化妝師同一個助手，亦都包埋我哋成長片段。負責跟我個job嘅係Iris，佢態度都唔錯。 除咗婚禮當日條片，佢哋喺婚禮之前搵一日幫我哋拍一條成長「拍拖經過及成長片段」，地點就任我哋揀。而拍攝之前，Photolunch有叫我哋預先整一本由細個到大個嘅相薄。。我哋揀Photolunch係因為佢哋會提供一個室外哋方拍攝，嗰日我哋揀咗馬鞍山公園拍片，另外佢哋又送航拍，我就覺得幾特別。馬鞍山公園隔離又有海，又有海之心，航拍出嚟就好靚。 Big day當天，因為我哋擺晏晝，凌晨四點九化妝師就已經要去女家，因為Photolunch包埋化妝。佢哋聽到咁早都打個突，因為我哋有吉時要跟，中午一點又要證婚，各樣嘢加埋都好趕。而Photolunch嘅化妝師同助手要幫新娘，兩位媽咪化妝。不過，老婆話佢哋化妝一般。 當日影相我係滿意嘅。不過拍攝嘅時候可能太趕，standard攝影師拎嘅角度唔算係我哋最鍾意。同埋入到男家嘅時候唔係拍攝得我同老婆太多，佢哋就話因為當時太多人，所以冇咩時間拍到。其實我哋當日去婚展睇，都冇幾多間夠膽應承我哋朝早五、六接新娘，返到男家九點，中午一點要有早拍晚播片睇到，因為正常夜晚就多時間，但係lunch banquet就冇幾多間敢應承我做到。不過Photolunch係應承到我，所以我揀佢哋，而其實佢哋亦都做到，不過喺男家或者女家影嘅嘢嘅角度冇想像中咁靚。