我自己就去咗婚展行過幾間攝影公司，啲Sales其實都幾Chur下，我自己又唔係太鍾意不停咁Chur嘅形式，啱啱好我就遇到E wedding嘅Joey，佢份人都幾Nice，😁佢會同我介紹番公司會有乜嘢Package，亦都會俾啲相我哋睇，風格小清新、綠油油嘅Feel，唔會好Push我哋Join Plan，佢係好耐心咁同我解釋，相比之前其他Sales，覺得Joey真係唔錯，同期見到Big Day Package幾優惠，Sample嘅片都OK，所以經過比較﹐我當日就㨂咗E wedding嘅Prewedding 同Big Day攝影。🤓

整個同Joey溝通嘅過程，我哋都覺得好舒服，佢都會俾咗唔同嘅Prewedding Sample我哋睇，我哋最後去咗山頂公園、石澳泳灘同Studio，我㨂嘅Packge就包相框、2套婚紗、化妝、Set頭。化妝師都唔錯，因為始終上鏡，都唔係清新，都有少少濃妝，攝影師阿德就係風趣幽默類型，佢好識帶動氣氛，令我哋唔會好緊張，助手都唔錯，當日我哋其中一Part因為我哋會著便服影一啲相，因為人都比較多，所以我哋都要一等無人就跑住嚟影，成個過程都幾得意。😜佢哋俾相速度都幾快，因為我哋就係7月影，9月嘅時候都可以影到相，相都幾靚，朋友見到到都幾小清新感覺，有朋友睇過我啲相都話幾鍾意，佢都諗住搵E Wedding幫手影一輯。😘

Big Day Pacakge就包2套男裝同4條禮服（褂、婚紗、敬酒服）、化妝、攝影同簽名畫布，因為我攝影師就係Big Day前兩日就同我哋開咗個Group，如果可以再早少少同我哋溝通就更好，佢有打電話同我傾相關嘅注意事項😌，當日嘅攝影師佢都會好Nice，因為我哋要即日回門，所以成個行程都有啲趕，但攝影師都會儘量幫我哋影多啲相，佢會捉住我哋影好多相，所以我哋都好滿意，佢會不段教啲屋企人企位同擺位，想影得靚啲，錄影師都會默默赽一直幫我哋錄片，當日嘅早拍晚播都係由佢整，成條片嘅效果出到嚟都唔錯，啲相同動作都接得好好👍。

事後收番相嘅效果都覺得好滿意，因為我係W Hotel出門，朝早都好趕，但出到嚟效果都唔錯，見到啲光顏色都係有執過， 嘅化妝師就係本身我朋友Big Day 同Prewedding嘅化妝師嚟，佢嘅妝感都係偏清新風格，唔會話太濃，我試妝嘅時候，化妝師都有話俾我聽需要注意嘅地方😍，因為我嘴唇係偏乾，佢都會叫我敷多啲唇膜，注意清潔，皮膚有啲乾要敷多啲Mask，佢會好細心俾好多建議你，希望Big Day嘅妝會再貼服啲，Big Day當日我哋就準備咗襟花同捧花，但朝早出門時唔為意就將老公嘅鮮花襟花留咗係酒店，但係夜晚進場之前就發現咗，但係如果番去酒店度拎一來一回就趕唔切，但我老公又比較緊張個襟花，最後化妝師用咗我嘅頭髮即場就整個襟花俾老公，真係好貼心又難忘。😍

專業製作嘅攝影師都係一班老師傅，真係太有經驗，所以開會係好簡單～好多時佢地又會喺whatsapp度提我地有咩要揀同要交。佢地真係非常熟成個流程，我覺得佢地係絕對帶領到新人成件事要點做，所以成個過程我地都好放心。

我地無請到大妗姐，但係攝影師真係經驗老到，好識搞氣氛。斟茶嗰陣，又會講啲好意頭嘅說話，氹得啲長輩好開心，好滿意。

特別係我老公嗰邊，只係佢媽咪嗰邊都已經6-70人😂，完全係大家族，所以個場面如果控制得唔好就可以好混亂。但係佢地控制得好好，個個親戚都話好滿意，成個氣氛都好好！同埋影相嗰陣佢又唔會影到啲人頭好細粒好唔清晰，所以出嚟嘅效果我地都好滿意～