我係喺婚展度搵到呢間deco公司，整體印象啲嘢都好靚，設計都好有心。講完俾佢聽我哋嘅idea，佢都幫你設計。雖然價錢就貴咗少少，不過都係一分錢一分貨。其實我都係根據返之前同事同學結婚嘅洗費去比較，佢哋算係物有所值，不過就未到物超所值。而佢哋收費都好清晰，啲item都係我哋話加先加。 因為我哋對場地deco同擺設都好有要求，所以其實我哋都同好多間佈置公司傾過。有一啲公司嘅價錢係比佢哋更加貴，而有一啲係冇版睇，價錢就平啲，但因為冇實體sample俾到我哋睇，我哋就驚佢哋講話得做就唔得，所以冇揀到。而Romance deco就大部份我哋講出嚟嘅嘢佢哋都明白，兼且佢哋可以inspire到我哋揀一啲嘢，佢哋亦都有啲sample係我哋覺得美觀感好高。佢哋價錢都係喺我哋睇過嘅入面算中等價，而佢哋都覆嘢覆得好快，所以我哋最後就揀咗佢哋。 我哋個theme係田園theme，花比較多。因為clubone有個草場，我哋都跟返個草場theme，佢出嚟嘅效果都係我哋預期。而另外有啲位更加好過我哋預期，好似我哋加咗個candy corner，嗰度嘅嘢全部都係tailor made，因為我老婆好鍾意Line嘅熊大，佢全部都變哂做Line嘅公仔，連啲cupcake嘅公仔都係。不過講真個價錢真係唔平，但係好好食又好靚，一陣間就冇哂。

呢個公司係3個女仔負責，全部都係年青人。其實我係三個月前先係婚展搵佢地，之前搵過好多間但係唔啱，因為鐘意佢地嘅田園風格，又做到我想要嘅野，所以就揀左佢地。 佢同兄弟姊妹夾得唔太好，當日叫佢地執執啲位，佢地就黑口黑面，不過佢之前嘅服務態度就一直都好好。而且佢地好嘅地方係話一就一，話二就二，唔會亂咁加錢。 可能我同我老公有完美主義。佢地佈置完俾左張相我睇，我覺得雖然唔係最靚，但係都OK。不過有少少不滿嘅係佢明明講過個backdrop會係某啲位加返層layout，咁靚嘅地方就會凸起左，做到立體感。呢個係一早傾好左，單都有寫，但最尾出到黎只係平面。其實我諗佢地漏左，不過都已經當日，又起碼有塊板係到影相，所以我都唔算好介意。