我地揀Rosy Decor 主要係因為同佢嘅對話裡面都俾佢地吸引到喇，同埋我見到佢地圖版度都有我想要嘅野，會有整D閃閃嘅燈咁樣做到生動D既佈景板。我地其實都有比較過其他兩間，都見到佢價錢上係抵過另外兩間，而且做出黎都ok，合乎我想要嘅野，所以決定揀Rosy Decor。我覺得同佢地D staff去傾嘅個過程係舒服，佢地都會聽我地嘅意見，都會引導我去揀我嘅主題，又會叫我地搵下我地想要嘅野去做下參考俾佢地知道我地想要咩，佢都會做大概差唔多嘅野。中間個溝通係好好，好快，我諗大概一個禮拜度就會跟住我地意見去改到D圖。同埋佢地係俾3個versions 我地去揀，做出黎都係我地想要嘅野。 佢地最後整出黎嘅野真係好靚架！如果佢個字體上可以再多D選擇就更加好喇，包括帖上面個貼紙喇，同埋我地佈景板寫我地名個字體，如果再多D款就更加好喇！我地佈景板嗰度有個銀河嘅，有個閃閃燈整到好似滿天星星咁樣，真係整得好靚🌌！出到黎個效果都係好好，亦都係出乎我意料之外。同埋我想像出黎同佢俾我睇嗰個圖...原來真實出黎係仲靚過我想像到💖！好多嘉賓都好欣賞話好鍾意，都覺得好特別😍我好欣賞佢地個設計真係做得好好！同埋佢地真係會按住我地想要嘅地方去做～我個陣request過想要D閃閃燈效果，好似星星眨下眨下咁，佢地都係做得好好，同埋顏色、色差嗰D基本上都無。 佢仲有個配套，係呢個主題之下，可以幫我整埋邀請卡做返一set，襯返個主題。我果個係女神主題，佢地又會俾D建議我地點樣整咁去配合個主題。個喜帖都合乎我期望，會俾左D顏色呀，效果係點樣，呢D都會俾我地睇左先，再去印製，過程相對就慢少少，但我自己就覺得係慢工出細貨，出到黎個效果都係好好。 

其實我本身都搵咗好多間，搵咗好耐，Rosy Décor係唯一、唯一一間可以放到煙火嘅公司，得呢間可以做到冷煙火效果，咁呢個都係我想要嘅嘢✨！佢哋好有自己schedule，反而我第一次去搞，我以為我都要去跟得好貼，但係原來唔使喇，佢哋好清楚，幾時就會問你要D咩，幾時就要點樣。不過如果佢可以一早講哂成個flow係點樣俾我哋聽就更加好。佢哋都好有彈性呀！本身我都想個煙火效果係由牆上放落嚟，後尾佢都幫我問過哂好多人，做咗好多research，問埋D專業人士，就知道原來要係由地下喥放，本來係得幾秒時間，後尾都做到三十秒時間，亦都無額外收費，咁呢個都係令到我幾窩心㗎🤗！

同埋因為我second backdrop係我自己print出嚟自己貼，唔係搵佢哋整，但係佢見到我當日D兄弟都唔係好熟手，佢哋都係義務咁主動開聲話想幫手，咁我都係好窩心好欣賞佢哋。

出到嚟效果真係100分，好滿意！D人覺得個backdrop都係好有個性，唔同出面個D backdrop，同埋我本身都係想要有舞台效果，跟住佢哋其實出第一次draft，我都已經無嘢要ban，已經即刻可以揀到，同埋個backdrop後面又有D閃燈呀，LED燈閃下閃下，都無咩額外收費，就係講好咗果個價錢咁樣，真係好好👍🏻👍🏻。我之後個仔百日宴搵佢哋幫手，都係搞得好靚！同埋客人若㨂咗唔係太常擺酒嘅酒樓場地，佢地都會親自去睇下個場，我都係事後先知道！