有一次我上網見到呢間舖頭post咗一條裙出嚟，我一見到條裙就好鐘意，咁我就係因為嗰條裙而去間舖頭睇佢啲衫嘅。我諗住結婚當晚都唔會換好多套衫，所以就喺佢哋嗰度租咗兩條裙，就係敬酒同送客嗰兩條裙。 因為嗰時佢咁啱做緊promotion，可以一個鐘上去試唔知一套定兩套咁樣嘅，所以佢冇收試衫費嘅。間舖都幾闊落同整齊嘅，係唯獨啲燈光暖光得濟黃得濟，就會試完套衫出嚟影相有啲分別。佢都會有部機幫你影，影完就佢send番啲相俾你，你confirm邊條裙佢就會send番邊張俾你。 其實之前我都有睇過其他婚紗店，到最尾先至睇W Gallery嘅，所以試完都好快confirm咗。服務我哋嗰位sales態度都okay，唔會特別sell我哋。啲衫全部都係獨立有個袋裝住嘅，所以以租出去嘅嚟講佢啲quality算係好好同埋都算好新淨，佢個package每套衫都會包啲首飾(一條頸鍊一個頭飾)嘅，係啲首飾就有啲殘舊。佢係有個corner俾你自己配，但係有好多可能甩咗石呀少少發黃咁，我自己都有喺出面租首飾，所以喺呢度都係盡配，得要用就有得用咁，不過如果啲首飾可以新啲就好。Fitting嗰度佢都會盡量幫我試到啱為止，佢都會幫我改少少呀各樣嘢咁，著上身都係啱嘅。由於我個化妝師係男仔啦，所以要叫啲姊妹幫手，佢哋都有耐性教我啲姊妹點著。 不過，佢個deposit係有啲貴，可能啲衫都keep得好，就要收成$3000一條，都覺得有少少貴。到驗衫都嚴謹嘅，不過都okay，佢都係睇吓你有冇勾爛架啫。