其實證婚律師選擇不多，婚紗展都係得3，4間，比較完信譽度、價錢之後，覺得呢間性價比最好。 不過佢地有好多客，上去律師樓搞文件真係等得幾耐，就算我地有預約，但都等咗個幾鐘。。 佢地會比唔同律師幫其他新人證婚既片我地睇，有二十幾個律師比我地揀。因為我就唔中意太調皮，所以揀咗謝律師，佢莊嚴得黎又唔會過於拘謹，而且佢係合夥人，覺得應該會比較正宗。婚展booth個人態度好好既，但佢因為唔係葉謝鄧員工，所以唔太了解詳情，淨係可以比片我地睇。 婚禮當日，謝律師都十分守時，證婚過程都非常清晰。

我哋請咗孫楚雍律師做證婚，啲網上討論區話佢係出名證婚。我哋喺婚展見到佢價格係好抵，$2000零就包哂證婚所有嘢。揀佢一來係價錢，二來佢有期。我哋之前見佢一次，傾一傾計，佢都話個流程俾我知，幾點到，要拎啲咩嘢等等。 佢儀容各方面都好好，佢自己證婚，拎咪講嘢都淡定，搞氣氛都唔沉悶，亦都對婚禮流程好熟悉。不過我哋之前見面見咗半個鐘，後尾我都有打電話想去問佢嘢，但係真係好難搵到佢，前線啲Reception又答唔到，如果佢哋個團隊都對婚禮熟悉啲就會好啲。