係Facebook搵到Derek嘅資料，見佢用閃光燈用得好靚，backlight、逆光嗰啲都做得好好，因為bigday想要多少少技巧上嘅野，所以就約佢出傾。約出嚟見面時覺得Derek份人比較靦腆，始終因為bigday好講及即場氣氛，所以我都有少少擔心佢掌握唔到。不過bigday嗰日佢係負責影snap，好專心一意咁捕捉唔同嘅畫面，而主攝係一個好適合搞氣氛嘅人，把口好甜，所以成個氣氛好好，好開心。 我姊妹一共有6個，但兄弟就有成12個（因為本身我有好多男仔fd，好希望佢哋都可以嚟，所以其中有6個兄弟係我嗰邊嘅），所以出去影相預咗會好多人同埋好難handle，因為難在要佢哋跟指示做動作以達至需要既效果。我同Derek隊 crew 講好咗，話唔需要太多我同我先生嘅couple相，反而希望多啲同朋友嘅團體相。Derek佢哋有按我要求做到我想要嘅嘢，明顯睇到佢有放棄自己嘅堅持同技巧去影呢輯團體相。因為淨係影新人兩個人可以apply到唔同嘅攝影技巧，而好多攝影師都希望影相果陣可以展示到自己的實力，而團體相相對就會較少用到攝影技巧，但Derek佢都冇問題好樂意幫我哋影相。 因為我個場係會變色嘅，主要都係紫色，但Derek影出黎嘅相white balance、構圖嗰啲都十分好，唔會有怪色，又唔會cut頭cut尾，所以好滿意。早拍晚播嘅video好好，首歌好輕快同埋好啱我性格，佢地揀嘅shots好適合我，價格又好公道，所以好鍾意。 特別想多謝Derek bigday之前幫我好仔細咁run咗一次個rundown，討論咗點樣安排會smooth啲，亦有提點我各樣要注意既事項，呢個真係好重要。 大家要留意佢個website係冇其他攝影師做得咁精緻，亦無話有太多嘅推廣，所以如果佢加強返個website，做得detail啲就會更好。