我喺上網搵到Lilam，本身我哋plan咗去韓國影，但原來韓國book期加執相都要半年以上，而我哋嗰陣又好匆忙，好後先發現趕唔切，於是決定結完婚之後先去韓國補影一輯我哋想要嘅，嗰陣就求其喺香港影返間先。不過結完婚之後，其實真喺唔想再影，個心態已經冇咗，因為真喺好攰。 見到呢間幾抵，上佢website見到不過不失，於是就join咗。Lilam好易話為，一就到期就會俾我。其實我同佢冇見過面，淨喺電話whatsapp落訂hold期同去尖沙咀book衫，嗰日一早去搵化妝師化妝之後，就會合攝影師去影相，之前冇去過studio，但因為佢俾我嘅感覺好老實，ok就話ok，唔ok就話唔ok，所以都好相信佢。 我有whatsapp攝影師同佢講想要咩景同咩效果，佢都有幫我就，交通方面就lilam有車車我哋去。我要求好簡單，話想要海同草地，最後就去咗山頂公園同石澳。我淨喺覺得好攰同好曬！因為佢約我九點零十點化完妝出發，影到夜晚8點，所以好攰。 拎相方面，因為我一早同佢講咗我幾時結婚，佢話一定會喺之前俾到相我，最尾等咗個零兩個月就俾到相我。拎到相之後覺得都物超所值，因為呢個價錢包好多嘢，又相簿又油畫，執相又執得好靚，七千零蚊真喺抵到爛！最後上整油畫相簿嗰間公司拎，間店喺旺角～ 我自己比較鐘意有藝術感少少、大頭少少嘅相，但佢就鐘意好warm好和諧嘅感覺，成日要我哋笑，但我有時想唔笑擺啲型啲嘅pose，但因為我都冇特別要求過佢，我諗如果我提出過佢都會幫我哋做嘅。 佢個期好full，又通常預星期日俾新人影，book咗兩個月先就到，但咁啱我先生唔喺放星期日假，所以就難少少。不過，佢真喺全日冇抖過，全日咁多個鐘都俾哂你，除咗lunchtime之後真喺狂影，仲有個助手幫手打燈，所以雖然好攰，但輯相又靚又平，所以都幾滿意！