Big day攝影我哋搵咗Underwater Plus Production，攝影師叫Pan。佢都係喺我太太去其他朋友婚禮識嘅，佢係我太太朋友嘅兄弟，識咗佢之後知道原來佢都係影相，之後就自己睇吓佢啲作品，我審美標準比較嚴格，但睇完都覺得okay。 本身阿Pan個人係好nice，知道佢service都一定會好好，所以對呢方面都好有信心，睇完佢嘅作品就決定揀佢喇。 一開始我哋都係喺電話傾，到好後期先見面，佢都係講好咗一個價錢就唔會再轉。本來淨係得幾百張相，佢好好咁送咗千八張相俾我哋，佢仲話唔計多錢，當結婚禮物送俾我哋，我哋都覺得自己真係好lucky，佢送多咗嘢俾我哋不突止，朋友嘅feedback都好好。 阿Pan做得好嘅地方係佢影相好輕鬆，你完全唔會覺得係影緊相，成個過程都好自然，加上佢笑容好好，把聲講嘢令你個人好舒服咁，我哋望到佢都影得開心啲。最犀利係佢連媽媽都氹到，完全安撫到啲長輩，當日唔記得係啲咩遲咗，令到我媽媽好燥好緊張，阿Pan嘅聲線完全能夠安撫到佢，同埋佢好識講嘢，會講一啲說話去氹大家開心，睇得出佢真係好投入。