因為我個人好揸唔定主意，所以揀咗兩間租衫。因為Sevilla除咗新娘衫之外有新郎同媽媽衫，所以搵咗佢哋。我都係睇facebook搵衫，因為facebook都好齊全，可以睇到相。 因為Sevilla規模大少少，相對就用比較認真嘅銷售方式，試完衫真係會坐底大家講一次啲package係點樣，又會講返啲衫嘅detail喺邊度，個感覺就selling會多少少。佢哋服務都可以嘅，都叫我試適合我嘅衫。我租咗婚紗，媽媽晚裝同新郎兩件西裝，咁就方便啲。佢哋係多啲選擇，新郎新娘媽媽衫都揀到，亦都係我揀佢嘅原因，因為佢個package入面係可以俾你自由配搭，始終一個新娘租唔到四件衫，但係佢個package係可以揀埋媽媽、新郎衫。我冇揀晚裝係因為試咗第二間，覺得第二間D款靚啲。我其實係租咗Sevilla先，但係佢個package係可以改，我揀咗最minimum嘅package，到最後真係需要先再加上去。 佢哋啲衫都好新淨，同埋佢哋嘅caring都好好，因為佢哋都有好細心咁提我，尤其是我租婚紗，叫我記得之前著紅睡衣要洗一次先，避免甩色染到落婚紗度，影響件衫嘅quality，都睇得出佢哋好注重衫嘅condition好唔好。佢哋都有話之前有啲客試過染污糟咗件婚紗，要特別再去處理過，會好麻煩。聽得出佢哋好care啲衫。還衫過程都好好，好smooth。