我家姐早我半年結婚，佢用咗呢間，所以我都揀，而舖頭方面都有返個介紹優惠價錢俾返我。佢咃唔算好多衫揀，可能都要用啲時間同心思去睇。佢咃冇特別收我試衫費，我上去都俾我試好多衫同埋影相，唔知係咪因為家姐已經係佢個客。最後租咗三件for自己，兩件for先生。 最滿意係件婚紗，設計係low cut唔係心型胸，長尾A型裙。呢條裙都好新淨，著上身係靚，揀咗之後都冇再諗其他。店主服務態度都友善，係老闆娘加個妹妹幫手試衫。不過，如果衫款式可以再多啲就更加好，但我都明白因為佢啲衫款係自己設計所以都有限制。