Danny係婚紗店sales介紹俾我嘅。其實佢本身唔係我first choice，我本身first choice係另一個，但係佢好似係約見面嘅時候佢要隔兩個禮拜先約到，但係Danny就可以見咗先。其實Danny都係second choice唔係爭好遠，睇過佢啲相，睇過佢profile，嗰日出嚟見面傾完，覺得會夾得到。因為我覺得影相最緊要係big day當日唔好同個攝影師嗌交，你想收到啲相好啲就要揀一個夾到嘅，唔係當日你唔聽佢講，佢又唔舒服，咁你啲相就拜拜架喇！Danny都係一個比較爽直嘅人，我就比較偏好呢類人。 我覺得Danny唔係好識sell人，比較古肅，好plain咁將所有fact話哂俾你聽，意思係我覺得佢唔識sell人，但係我真係鍾意佢嘅。我覺得做銷售總有啲要冧吓客嘅位，但係佢就係︰「我嘅quali係咁，睇下你鍾唔鍾意。」佢又唔係寸嘅，但係佢對自己有信心。 佢同其他賓客嘅互動，以我所知就係我喺入面換衫嘅時候我老公喺出面周圍影相，我諗應該都OK，同埋企喺大台影相嘅時候佢都係正常提我哋點樣企會好啲，要企左定企右，所以Service係冇問題嘅。 其實當天有個小插曲嘅，係唔知點解無啦啦朝頭早要加多一段鬧新房嘅，咁呢一個係我之前冇同Danny提過，佢suppose係唔知點樣攞景，但係當日去到佢都好快影咗好多shot，同埋喺我屋企度都幫我搵下邊度有位影相。佢哋好好，都有話俾我知rundown大約係點樣。我就比較著重佢夠唔夠時間影嘢，佢都有suggest我每part要預幾多時間，佢要幾多時間做preparation，亦都話哂俾我聽啲嘢係點樣擺位。但係我突然加插咗啲嘢，佢都窒咗一窒，但係好快都話：「唔緊要丫！呢啲嘢係執生架啦！」 佢剪條片我真係好鍾意！好鍾意！！好鍾意！！！佢無論係選曲定係拍嘅angle我都好鍾意。我睇片嘅時候先發覺，原來佢capture左好多我唔知佢影緊嘅moment，感覺好真實，睇返個video我會覺得，唔係攝影師話俾我聽叫我要點點點，而係佢拍低咗我真實嘅心情。首歌係佢揀，早拍晚播同埋另外有段當日相嘅slideshow都係佢揀，我都好鍾意，佢唔係用啲大路pop song，應該係individual外國英文歌，我係因為佢條片所以有繼續留意唱首歌嗰隊組合。 因為Danny唔係好識笑，如果佢隊crew另外啲staff就笑容好啲，Danny做set機嘅位，係唔洗嘻嘻哈哈，但係我覺得佢可以再歡容啲，咁樣親人見到都開心啲。不過Danny有一個問題，就係佢啲相曬嘅時間比較長，所以如果你想好快有相，呢個係佢嘅弱點，佢不能夠好快起哂啲相俾你。佢而家都係起咗三份一島左右比我，已經差唔多半年。我有提佢，佢就會係逐啲逐啲執俾我，呢個我都明，最緊要係大台啲相俾到我，我俾到親戚有交代，我自己啲snap佢慢慢執都冇所謂，都係最緊要靚！但如果你需要好快要相，就要等一等，但真係值嘅！