我岳父以前幫襯過呢間洋服店，話質素好好，而且剪裁好fit，所以就喺嗰度造衫俾岳父同舅仔。我自己冇搵佢哋係因為通常都係一套黑色西裝，佢冇我要嘅料。 佢哋負責人叫杜漢標，舅仔講話佢哋服務態度幾好，都細心；對岳父亦都有耐性，知道佢嫁女都會配合返，介紹返啲適合嘅款。兩套衫出到嚟效果都滿意，岳父都話佢哋真係保持到質素。但唯一美中不足，係佢哋舖頭比較隔涉。