之前係婚展見到既真愛，佢個陣係同其他店舖一齊擺既。咁啱經過，佢地好啱傾，有兩個人同我地傾，傾好開心，價錢又算ok，同埋佢有我想要既繡球花，因為其實台灣有繡球花園，係陽明山，我本身係係另一間公司見到有繡球花既，跟著黎到真愛，我見咁好傾就問佢地可唔可以帶我去影，佢又話可以，咁我就揀咗真愛。成個過程都好愉快，不會太hard sell，好似做朋友咁，服務我個店員叫小知。到我去台灣個日又落雨又曬又多霧，最worst既係我地去既時候係繡球花遲開咗，我本身係揀上年開得最靚個陣，不過個攝影師影得幾好，就算本身唔係好多，但佢都影得好似一大片咁，然後又落雨，搞到成隻鞋同條裙全部都係泥。不過照片質素都ok既。揀相個陣都無hard sell，都無逼我話要揀幾多張。