我中意佢既自然派，小清新風格，同埋佢地個價由萬八減到萬五比我，但個package就無包到衫比我，所以都覺得係偏貴少少。影pre wedding前，個攝影師都好好，影個日都好快好順，但係之後就痛苦啦。首先就係追相，之前佢話相呢，就好快send到比我地，例如一星期，結果五月影完，我係七月先收到相揀。咁揀相後，我驚佢無時間執相，所以就好快揀左比佢。佢執完之後我發現唔啱心水，再翻執。發現之後更差，例如，塊面尖少少，呢Ｄ係基本技巧，但放大睇係執到變左形。呢Ｄ好簡單要求都做唔到，佢地覆我係佢地執相技巧唔係咁好，但當時得翻好少時間，最後我地就自己執翻。我唔知佢唔想定唔識，但真係好嬲。我地自己執完比佢排版已經係10月，我好驚趕唔切big day，到去big day前幾日先收到相簿真係好得人驚。