其實join prewedding package時係未求婚同未諗住結婚，不過唔係我俾錢，就唔怕影咗先，哈哈！因為都唔諗住喺香港影，所以主要都喺睇海外婚紗攝影服務。嗰時去到Bluebay counter，serve我哋嘅Apple小姐好好。雖然你知佢好想簽你張單，但你會覺得佢同你傾計係好真誠，真係好奇妙，我覺得台灣啲語言藝術真係好勁。其實對於我嚟講，簽唔簽單同啲人夾唔夾係最大原因！我覺得同佢哋傾起上嚟真係開心同舒服，唔會覺得被人逼，所以都confirm咗，揀咗11月去台北淡水莊園度影。 去到試衫，我個人就覺得啲衫真係麻麻地，唔喺我心目中嘅style，同我睇sample時感覺有啲出入。男士禮服唔係咁fit身，揀靚啲又要再加錢，都好在嗰時做咗一套攞過去。化妝方面都OK嘅，但唔喺我心水，啲眼睫毛同眼線都好勁，個個都話影完出嚟唔似我。我覺得化妝同啲衫可以好啲，不過都可能係因為啲衫預你拍外影，所以都唔會放啲貴重嘅婚紗入去俾你揀。不過佢哋服務真係好好，email嗰啲都跟得好好。我哋揀相嗰時真係有好多相想要，所以都買多咗！