當初我響Facebook搵到佢地，因為見佢除咗Big Day攝影之外，都影好多孕婦相同家庭照，風格偏柔和溫馨，而且佢地會落返啲粉色系列嘅filter，同我鐘意嘅風格好match。攝影師叫阿Roy，Big Day當日佢好好，幫咗我好大忙，唔單止拍攝、retouch同剪片都快手快腳，仲充當埋大妗姐嘅角色，好識帶動氣氛，氹得我地好開心，拍出嚟啲shot都開心啲！ 因為當日早上化妝師遲咗，搞到overrun哂，但佢地都好專業，即刻幫我地執生，趕返啲時間，例如佢地主動同我地建議，可以點樣追返遲咗到迪士尼嘅時間，佢地甚至連休息時間都冇，外拍果陣都拍返哂所有我地想要嘅相，好專業！但係有時佢會指導我同其他親友做一啲動作，初時都唔太清楚點解，但剪出黎先明白原來佢想要啲特別啲嘅效果。 佢地仲特別揀咗當日一啲精選相片，retouch完即時做成slideshow響禮堂播放，本身其實係冇呢項服務嘅，所以我地都好驚喜！除此之外佢地都好快手將啲相放上佢地Facebook專頁，好快可以重溫啲花絮。 本身個package包咗婚禮中段派相，但就影唔到後期出場嘅Mickey Minnie。之後佢主動提出加錢可以派埋後段嘅相，我地都加咗錢，好開心佢地執相同曬相都咁快手，等啲賓客攞埋同Mickey Minnie合照嘅相離開！