我先生喺到訂左一套男禮俾自己同埋訂咗一套比老爺。我覺得佢地Ｄ布款好多，有好多種布比我地揀。 訂造個時佢地每度一個位就會問我地想預少定預多，例如係預坐低個時想點坐黎幫佢哋就返啲布位，成個度身幫佢哋預得好好，所以到Fitting個時一試上去就覺得改得好貼身好啱身！ 除咗訂造好啱身之外，佢地Ｄ態度真係好好！因為我哋之前去過另一間，嗰度啲staff係咁迫我先生試燕尾服！事源係我先生係一個教練黎，如果叫佢著到好認真，佢反而會唔習慣，所以佢唔鐘意燕尾服，但另一間啲staff仲係咁迫佢試，令我哋覺得態度麻麻。但摩登就真係會聽你講吓想點同鐘意咩，例如我老爺想要Ｄ鬆身Ｄ，個師傅都唔會刻意逼我地聽佢講或者堅持貼身先好睇之類，所以成個感覺都舒服好多！