我係呢度租婚紗，佢D裙都係外國進口番黎既👰🏼 呢間係我搵嘅第九間，因為我好求其架成個wedding ，只係想快，仲因為壓力好大令到內分泌失調，個胸同背脊漲到好厚，變左好多裙，無論淘寶裙或者坊間好多就算好高質素都好難遮到😣但係Abana Bridal 既staff 好有耐性，佢會慢慢俾我試，跟住好搞笑架，試完條裙佢又會定時提醒我，小心個磅數呀，因為佢都知我好鍾意嗰條裙😂佢地都係好nice, 會打電話關心我，叫我唔好俾咁大壓力自己，我覺得自己好好彩遇到呢間舖頭。我知好多出面都係copy黎嘅，但佢啲裙都有質素！我上網睇啲意大利牌子seasonal wedding dress 睇中左幾款，都竟然係佢地間舖度出現。我套婚紗係佢揀嘅，好似王妃嗰條咁嘅，成條都係絹面，到嗰日著出黎，個個都話，「嘩！呢條裙好特別呀！」「一睇就知道係外國嘅」。佢啲衫keep得好好，好新淨， 同埋佢地個師傅都係好好👍🏻其實我背脊最後減極都減唔到好似人地好瘦削嘅，跟住個師傅上到黎，好厲害呀！好快好快唔知點樣幫我度、幫我整，兩日就搞掂條裙，岩著，fit身，呢個都係令我好surprised! 😳