final fitting 個日只可迫响一間超細試身室到試衫，入面只有一個細既鏡，同一堆婚紗同晚裝，擋住大部份鏡子，完全睇唔到成條裙既做型，仲要整唔見咗其中1條裙，話要花時間搵，叫我另一日再上去做fitting,令我要再花時間去試身...... 過多2日我又再去試裙，點知本身無問題晚裝裙腳，竟然見到有明顯損壞，部分網紗穿左窿，其中一個位更用魚絲線修補，有明顯修補傷痕跡......職員仲話比之前個客整爛咗，仲話影相唔覺（留意番我係租Big Day ,唔係影 pre-wedding,個日成晚，一定會睇到）我唔明點解條裙爛左唔係入過d 新嘅貨，而係（隨意修補）修修補補再租出去......final fitting 既時候距離我婚期只有幾天，我跟本無時間再去搵另一條裙，最後我只好比師傅修補，然後勉為其難收貨 建議有興趣的新娘子要多留番考慮清楚先落訂

一生人一次結婚，我自己覺得影相係最重要，難得搵到啱嘅攝影師可以去南法幫我影幾日，靚靚嘅裙就變得更加重要。冇理由一條裙著幾日咁多個景，所以要平衡質素同價錢真係好難。 好好彩，去睇第三間就俾我遇到Chloe，佢好細心，了解左我鍾意咩款，又睇我身形推介款式，試上去又ok～ 重要用專業嘅單反打燈影相俾你睇埋效果～～～好pro 呀！ 好後悔冇化好d 個妝先上去！ 無意中搵到Vera Wang 漸變粉紅色EG, 哈哈～ VERA WANG 係我結婚checklist 之一！第一條裙訂左，金色閃令令係我最愛，cutting 好靚，著出黎超有自信！紅色露腿係鬥獸場必須！ 呢度款超多，件件都好靚，花多眼亂，好多條都好鍾意，好難揀！ Chloe 真係好好，d 裙好靚，租咁多日個offer 都超值呀！全程服務都好滿意！