我見佢地Ｄ衫好靚，同出面幾千蚊嗰Ｄ唔同，所以上左舖頭睇。試衫個地方好舒服，試完都覺得好靚嘅，但係去到拎衫嗰日就發覺拎嗰件同我太太當日試嗰件係唔同😓！試嗰件係好新淨，但係拎番黎嗰件就比較殘舊。我地明白租嘅一定唔會係全新，但就無諗過會係咁…同埋我覺得佢地無明碼實價，當然，呢個係我個人感受…我太太試左幾件，試之前有問過呢件幾錢呀咁樣，佢就推左我地，話試完先講喇，好似係睇我地鐘意邊件先再報價😐我就覺得好奇怪，點解唔可以直接同我地講左先？另外本身話係兩日前去拎衫，跟住又話未改好要再等。其實big day前對對新人都一定好忙，佢地都仲係咁，好無交帶。我地拎衫嗰陣無check得清楚，到還嗰時佢話我地𠝹爛左個裙袋，要我地賠錢😦嗰個位好明顯係口同鼻嗌，因為我地又無check到，最後要我朋友上埋去先settle到，所以整個過程都唔係太愉快！