我覺得佢哋裙嘅款式好靚，選擇都好多，質素當然不在話下啦。我揀裙嘅時候佢哋雖然會俾意見，都係以我嘅意願為主。佢哋嘅婚紗有啲好有宮廷feel，而且配唔同嘅披肩或者物件已經可以有唔同嘅着法，造型好多變🤩

我最鍾意件婚紗就係S. We Wedding度租，不過佢入嘅婚紗同晚裝都係比較成熟D，所以我join佢個3套package，但租左嗰三套入面，我就淨係著左一件，另外嗰D裙就係其他地方度租嘅。 第一間就係去睇呢間，嗰時完全唔識揀婚紗，亦都唔知自己個身形應該要著咩婚紗，所以全部每一個形態，每一個款佢地都俾我試一試呀！😆我落實租佢地都係因為我真係好鍾意我最後行教堂嗰件婚紗，係lace通透，再加大拖尾，綁帶式，唔係心形胸，係平胸，一字膊咁樣。 Fitting方面就不過不失喇，因為去到最尾final fit佢都未改得好，又無得即場改，就叫我要去多次... 佢地可以final fit嗰陣mark 清楚D size，咁我就唔使再去多次！又唔算好大差距嘅，但係見到個尾龍骨會有舊野突左出黎，接受唔到架嘛 😶... 同埋佢地都會俾意見，但可能D意見就唔係太適合我喇🤔 佢入好多土耳其晚裝，你知土耳其晚裝好多都閃珠呀D色又會沉D。可能本身我個人比較天真少少，所以我想要糖果色嘅晚裝多D，所以佢地推薦嘅晚裝就未必合我嘅眼緣... 但婚紗係真係靚！💖