一開頭上網睇，就見佢影個啲係我鍾意嘅style， 偏向歐美風多啲嘅，所以就揀左佢地，結果影得好好，我地無揀錯到！揀左佢地先知佢地都攞得幾多獎😝 我係鍾意個老闆影嗰種感覺，初初令我有啲失望嘅，因為end up唔係個老闆幫我影，而係搵左一個團隊幫我...事源開頭未識大家嗰陣就淨係用訊息聯絡，佢有啲tricky嘅，因為一開頭佢開個價係好貴。點知有一晚凌晨十二點幾定一點幾，佢突然開左個post,淨係開半個鐘頭優惠，咁岩俾我睇到個突擊優惠，我就即刻whatsapp佢！可能佢都有個紀錄，前幾日佢開左價我係唔岩，咁而家我就攞左佢個優惠價。但係有一樣野令我小小失望嘅，就係佢無同我講到個優惠價原來唔係老闆操刀...佢應該可以講得清楚啲，如果係咁，可能我唔介意俾多小小錢，俾多幾千蚊等佢老闆幫我地影番😣 但個團隊最後都無令到我失望! 😌  坦白講，佢執相，曬相嗰啲都係好耐，但係我都明，因為佢地應該係好多人黎搵佢地影，因為佢地影到嗰種感覺。同埋雖然都係我自己要求嘅，佢地都額外送左個特輯俾我地。因為當日仲有45分鐘係中間係空嘅，佢就突登去我想去嘅地方幫我影左輯相😳其實基本上呢個係當日先決定架，開會嗰陣我只係輕輕咁提過下，但其實個時間都係幾趕！可能佢知我真係好想影，咁佢又唔怕去影，其實係一東一西，所以快快手咁影完就快快手咁搭車返酒店。我地去左將軍澳，帝景灣隔離有個海皮，我地就係個草地度影相。 我同我先生都唔係好識個rundown嗰D，約出黎嘅時候佢地都教左我地好多野，幫左我地好多😇  同埋嗰時佢黎影相，好得意架，會唱首歌出黎，應該係以前啲人祝福個啲歌，又唔係咁「娘」！佢會有呢啲氣氛，令到輯相同片都豐富左輕鬆左！😎