我想條樓梯係擺花，所以想搵間係做花藝設計嘅公司。因為我個budget擺左係main backdrop度，樓梯位就唔想搵太大型，而係budget好D嘅小型公司。最後我搵左Woolholic 幫我整樓梯嘅 decoration，turn out出黎又真係好抵，同埋傾嘅時間都覺得佢地ok。其實Wooholic俾我睇嘅圖係唔靚，俾左兩個draft我睇都係唔靚，所以我都有D擔心嘅其實... 但係佢就話，「你放心喇，我去到就一定會做到俾你架喇」，佢都會親自出去做。 佢都會俾好多意見我，當我同佢講左我想點點點點點，佢都俾到D意見，會draft個圖俾我，只不過佢draft出黎就唔係我想像中咁😅 所以開頭我都好擔心，我唔係想咁，唔係想咁喎，佢就再改俾我，但我都係覺得一般般😣 但係最後出黎係ok嘅， end up佢做到出黎又係靚嘅，係同個圖係不符😂

我係whatsapp同佢地聯絡，但佢都覆得唔算，可能你朝早搵佢，佢夜晚或者聽日先會覆你咁樣。但係可能淨係做樓梯係一個細項目喇，好多人都可能會連埋backdrop咁一齊做，而我就淨係做一忽，比較小。其實佢地畫嘅野，設計嘅野係好靚，如果唔係我搵左第二間公司做3D城堡，佢地都係可以畫到一個好靚，好tailor made嘅城堡。如果搵佢地，佢地就真係手畫出黎，可能個效果又會好唔同，好動畫feel，好似掃描嘅感覺。如果搵佢地做table sign呀帖呀都好靚，同埋佢地價錢都係好抵😁