一開頭最主要係因為價錢同佢地嘅質素吸引我去揀Fairy Bridal。我都有再比較過另外一間，但係始終如果講外國婚紗，Fairy Bridal都係算平，同埋個款式都係岩我想要嘅野，所以就揀左佢地。本身我自己都想搵啲 A字裙款，或者公主式嘅款式。我第一次上去佢地到試衫都覺得佢地好好，佢地俾左我試左好多套衫，一路係我試衫嘅過程都俾好多意見我，因為佢地見得多過我，見過哂唔同人試唔同衫，所以佢地會比我清楚我身型其實適合咩衫。我本身其實無諗住揀mermaid款，不過佢地就俾左一條我試，一試我發現原來唔一定要夠高先著到mermaid！我自己唔會知原來我都岩著😌。同埋佢地款好多，好容易就揀到我自己想要嘅。我最後係佢地到租左兩套婚紗，佢地d fitting都係好好。譬如我final fit之後都重係有一啲位置唔岩，佢地都會好好，好主動幫我繼續改。同埋通常攞衫都係wedding前一日攞，但係佢地真係都好好，俾我再早多一日去攞，因為佢地都知結婚前一日係比較忙！真係幫我慳左好多時間，俾我咁樣早一日攞，好多謝佢地😊。

我朋友知道呢度有婚紗租就介紹我上去睇睇，我先租咗婚紗，之後再join佢哋big day攝影。平時嘅款式比較大路，佢哋嘅就比較特別、elegant，主要係歐洲款式，婚紗款式幾多。我係好三心兩意😝，佢哋畀嘅意見都幾幫到我，選擇困難症時會話畀我知著邊一條會好睇啲，著邊一條苗條啲，仲可以幫我影相，每個角度都幫我影，之前試過其他婚紗鋪都唔畀影相。佢哋最好係婚紗有好多選擇，會問我鍾意咩類型，我鍾意lace款，佢哋都會專登推介畀我，又會問我想唔想試下其他唔係lace嘅款，畀多個選擇我，最後我揀咗佢哋推介嘅款式，反而冇揀其他自己一開始揀嘅，著上身原來比我想像中好睇😍。 後來我join埋佢哋big day嘅攝影，同攝影師講想要溫馨、浪漫嘅感覺。Big day當日佢哋好合作，早拍晚播條片睇到好感動，晏晝外影我哋去咗啟德，超大風，大風到眼都擘唔大，好彩攝影師都捕捉到我哋嘅表情！但係攝影師可以早啲聯絡我哋溝通，我等咗一段時間見佢冇搵我，婚禮前一星期我就主動搵佢，唔知係唔係佢太忙，或者係等緊我個rundown。後來我搵咗佢，佢都畀咗好多意見，例如提我rundown上有咩甩漏，所以整體都是滿意嘅～