睇過D.M Production 喺石澳影嘅相，吸引咗我哋去佢哋個booth，覺得ok就join咗。我哋最後去咗石澳、西環碼頭、中上環影相，事前有同攝影師見過面，傾過想要咩效果。攝影當日，攝影師有教我哋要擺咩pose，一開始我哋未warm up，佢一直lead住我哋要點樣影。佢哋包埋化妝、服裝，我覺得化妝做得一般，妝髮都唔算靚，唔係好啱我想要嘅嘢，個妝唔係好啱我，頭髮太攣，唔係幾自然。佢哋冇好好嘅suggestion畀我，其他化妝師正常外影時會幫手睇下有咩地方需要執，但佢就冇咁做...我當日有戴nude bra，戴咗成日我都唔知移左位，但係化妝師無提我，影出嚟嘅相個胸位置好奇怪。相都ok，執相方面執得有少少過火，面上冇曬啲紋，有啲唔自然，不過以呢個價錢算係咁。