會揀喺海洋公園擺酒係因為咁啱見到佢哋刊登嘅廣告，之後就去問啦。我一開始見到就已經擺咗佢哋喺first priority，我太太就唔係嘅，但我覺得喺嗰度擺酒會包埋賓客嘅入場卷都幾好，因為飲宴通常係夜晚，咁啲賓客日頭嚟到就好似好無聊咁，如果有個地方俾佢哋玩加埋夜晚嘅晚宴就perfect啦🤓。仲有第二樣嘢都好有特色，因為就算有啲人喺其他主題樂園擺酒，個餐廳係唔喺個樂園入面嘅，咁就同出面嘅酒店無分別啦。溝通嘅時候，海洋公園入面in charge嘅同事Lindsey會好細心同我講返個流程。我問嘢佢都好快覆，跟得好足，我都會講返我嘅要求係點，之後俾佢哋睇返有啲咩唔可以播出街，都會儘量配合返。就算有啲嘢未必即時答到我，佢都會同我講返啲原因點解做唔到，都好專業咁說服到我。成個big day嘅流程我哋都要事先去睇返幾時上菜、影相等等嘅嘢。原本佢哋淨係預備咗一部投影機，之後我話我想要兩個，佢哋都準備咗俾我。我問出面個mon有無得播相，佢哋都做埋呢樣嘢俾我嘅，不過end up因為我啲file問題播唔到部份嘅相，就淨係播咗一兩張相。喺簽名冊嗰度我就係用一幅畫去俾人簽名嘅，所以我要求嘅檯就會比較大啲，咁佢哋都會儘量安排俾我，成個流程都做到好smooth嘅👍🏻。佢哋都好貼心，當日仲有安排啲公仔出嚟半個鐘同啲賓客影相，啲小朋友一家人一齊玩都好開心。新人佢哋都有送年pass同餐飲禮卷，我都book返喺海龍王餐廳食晚餐，都係free俾我哋嘅，之後仲有預留咗二十張門票俾大家，因為啲兄弟姊妹忙咗成日都無時間玩，就送返門票俾佢哋半年內自己再去玩，咁我都可以慰勞返佢哋，overall我都好滿意啦🥰。我哋用咗海洋公園嘅海龍王餐廳做中式晚宴，個餐廳係喺水族館入面，成晚都可以睇住啲魚游嚟游去，都好特別。同埋我哋嘅pre-wedding係去沖繩嘅水族館影嘅，咁喺嗰度擺酒就可以迎合返個主題啦。同埋海龍王餐廳本身都係米芝蓮餐廳，完咗之後我問返啲賓客佢哋都話好食。不過上甜品嘅時候我哋就出咗去送客，返到嚟啲嘢都收晒，咁就搞到主家席嘅人都無咩食到。同埋新娘房入面係無洗手間，咁就要行返去出面去，都會有啲唔方便，咁呢啲方面就可以改善下啦🙈。因為佢哋裝修前都比較逼嘅，我就擺咗12圍，依家聽佢哋講裝修完都可以擺到15圍啦。當時嘅光線會暗啲，不過依家裝修完，我太太公司都去嗰度做咗annual dinner，佢都覺得光線充足咗，地方闊落咗，同埋投射都大咗，咁都改善咗嘅。我都有介紹俾朋友，不過因為佢哋擺嘅圍數比較多就唔適合啦。如果好似我咁想細搞嘅新人就會適合啲，因為出去啲酒店通常會間房，成個廳包晒係自己地方就會好啲啦😊。
搵到海洋公園做我結婚場地真係一個機緣巧合😄之前準備結婚事宜時，有問過屋企人意見，在言語間發現屋企人偏向想將婚禮搞得盛大隆重，但我同我丈夫嘅喜好反而係西式的lunch buffet，所以一開頭都好頭痕，究竟要點樣先可以滿足到我哋兩個嘅意願🤔當時有行過唔同大大小小嘅婚展，聽過唔同嘅意見，都諗唔到點樣解決呢個問題，直至我哋去咗海洋公園嘅攤位，聽佢推介之後講咗我哋concern，然後就諗到其實海洋公園不失為一個妙計。首先，大家聽婚禮都未必第一時間諗起去主題公園搞，海洋公園可能會係一個gimmick 比老人家覺得我哋嘅婚禮其實都係隆重。其次，海洋公園嘅形式多變，佢哋嘅package好flexible，即係你揀lunch buffet又得、dinner buffet又得，都滿足到我哋諗法，加上價錢又比其他類似場地平，所以我哋就決定咗揀海洋公園！😍結婚真係一生人一次啦，我都無得比較亦都唔知道其他做得有幾好有幾差，但總體來講覺得佢哋嘅服務真係好！🥰 首先，事前準備方面，海洋公園嘅回覆都十分之快。例如我有啲咩問題透過email問咗佢哋，佢哋都會覺得好詳盡，甚至有啲時候如果佢哋覺得透過書面未必解釋得清楚仔細，佢會直接打電話黎同我傾，呢個位係十分之抵讚！ 第二， package嘅覆蓋度都好大。海洋公園嘅package會包含出席來賓嘅海洋公園門票，尤其如果有啲賓客係一家大細來的話，賓客們就可以完咗婚禮之後順便玩埋海洋公園，一舉兩得！😉海洋公園亦都包咗個唔同嘅佈置、迎接賓客嘅小食等等，服務十分好！啲賓客入場嘅時候發生左一件事令我覺得海洋公園服務態度良好，當時賓客準備入場的時候，因程序問題滯留於海洋公園的門口，我收到電話即刻打俾負責我嘅同事 - Yan，佢即刻同我安排到人去解決呢個問題。 仲有一樣野十分抵讚，當海洋公園服務時間完咗時，見我有啲pr事ops要搬返酒店，海洋公園都即刻同我安排車仔去搬。 有件要釐清返，海洋公園係同酒店唔同營運商，所以book嘅時候都有啲煩。 So far真係好好，如果要講改善地方的話，海洋公園於婚禮完結後會贈送塑像海洋公園門票，但他們的有效期只有半年，使用意欲不太大，因為正常人都不會想同一個季節進入主題公園兩遍，這是美中不足的地方！ 如果想婚禮較為隆重的話海洋公園會是適合大家的選擇！👍🏻
