我係襯Lovis Sweet Bridal Couture 有sample sales既時候買咗一件婚紗。件婚紗係佢地自家設計既，獨一無二。🥰 我好鍾意佢地既設計，我個件係魚尾設計，面有層紗，紗上面又有好多立體既花花，好精緻。💓 因為係sample sales，所以改size就要額外收錢。但係我唔需要改就已經好啱著喇。🤩 而且我嗰件幾好著，一啲都唔會吉肉。同埋佢地有好多款揀，有成幾車婚紗，有平有貴。除咗自家設計既款之外，佢地都有其他牌子既婚紗，所以都多選擇。👍🏼 可以做好啲既就係如果佢地自家設計既婚紗可以包埋改既服務就更加好。因為始終係佢地自己既設計，得佢地最清楚條裙邊啲位可以修可以放，攞出去改就有可能會變咗型。但係總括而言我都好滿意我買既嗰件婚紗😍。