我一開始已經想搵可以去濟州影pre-wedding嘅公司，之後google就彈咗Kimchumma出嚟。原本我哋都睇咗兩間嘅，但係第二間嘅價單就要親自上去佢公司睇，我哋怕麻煩，所以都有啲卻步。Kimchumma嘅package就已經喺佢哋嘅website列晒出嚟，白紙黑字好清晰，都無隱藏式收費，所以就揀咗佢哋影pre-wedding啦😆。

我一開始係whatsapp聯絡佢哋嘅，佢哋有再解釋多次去濟州嘅流程同住宿機票嘅安排，我有咩問題佢哋都覆得好快👍🏻。佢哋嘅package就包咗4日3夜嘅酒店、車接送同Kimchumma本人做嘅廣告話翻譯，我哋就一日影相一日去local tour咁。

影相嗰日影影下我突然胃痛，Kimchumma竟然隨身帶咗胃藥，好照顧我，真係好sweet🥰。攝影師都會搞下氣氛，等我哋放鬆啲，影出嚟都自然啲。我哋依家收到啲相嘅soft copy都好鍾意，比較自然嘅風格。揀衫我哋都係去到濟州先揀嘅，女仔嘅款都幾多，個package就俾我揀三條，我都揀到自己鍾意嘅。不過我覺得佢哋男裝就可以包多套衫啦，因為見其他間會包兩三套，但係佢哋就淨係包一套🙈。佢哋仲有包埋化妝師嘅，我都好滿意。佢哋個package全部野都安排得好好，幫我哋plan好晒影相同個local tour，我哋就咩都唔洗諗，如果想影風景或者韓式攝影嘅新人就可以搵佢哋啦😊。

我哋一開始就係打算去海外影pre-wedding，都有去婚展同上網睇過唔同嘅公司，之後就喺Facebook搵到Kimchumma，覺得佢哋價錢都ok，同埋了解過都知道海外攝影都係搵agent，大家提供嘅服務都差唔多，比較完就揀咗Kimchumma啦。咁confirm咗之後佢哋就開咗個whatsapp group溝通，會主動問我哋想影啲咩風格，之後就會幫我哋同攝影師溝通，我哋問嘢佢哋都覆得好快。以我所知，佢哋有幾間合作嘅studio會幫手影相，之後我哋揀一間再join。我哋join嘅package係會全日外攝嘅，包咗60張相連埋相薄，同埋三套婚紗三套西裝同新娘嘅化妝。佢哋都會準備啲小道具，譬如滿天星花同滴滴金俾我哋影相用。我哋就喺9月25到30號跟Kimchumma去濟州影相，攝影師都係韓國人，Kimchumma嘅女店主係香港人，男店主係韓國人，所以影相嘅時候都係女店主幫我哋同啲攝影師溝通。佢哋有提供兩個plan嘅，我哋個plan就係包兩晚酒店，咁另外兩晚就自己搞掂，每日要出去影相嘅時候佢哋都會去到酒店接我哋，負責埋我哋嘅交通，都好方便👍🏻。中午係唔包嘢食嘅，原本我哋都諗住係無嘢食或者食好少，但因為我哋同女店主Yoko都係香港人，佢都會問我哋中午想食咩，之後去幫我哋買，都好貼心，又會幫手影啲側拍花絮，係好好嘅助手🥰。我哋都係第一次去濟州，佢哋都會睇返當時嘅天氣提返我哋，但唔好彩我哋去嗰幾日打風，所以天陰。佢哋就會提我哋唔係好多花，好多都打風吹爛晒，但因為濟州主要係影外景嘅，咁佢哋都好幫手，幫我哋搵到啲location係可以影到嘅，最終都退以求其次影到啲花景，雖然唔係我哋最想影嘅花，不過Kimchumma都好盡力幫我哋，做咗啲backup嘅措施，我哋都好滿意啦。我哋覺得鍾意大自然同外景嘅新人都最適合搵佢哋啦，雖然今次去濟州唔好天，但我哋對呢個對方嘅印象都係好嘅，希望下次好天可以再去過啦😆。