因為我自己比較忙，所以就少做Research，而朋友有Join過SumLove Makeup，覺得效果唔錯就推介俾我，所以喺朋友介紹之下認識咗Sumlove Makeup💄。

我自己唔係拖拖拉拉嘅人，當睇到阿Sum本身嘅作品同我朋友自己上完妝嘅效果，好快定咗由阿Sum幫手Pre-Wedding化妝部分。😌阿Sum有同我分享佢過去係大公司做，但因為疫情關係，所以就自己做，我見到佢間舖頭佢都可以一手包辦，無論妝、衫、鞋都係佢處理，佢每一個項目都會好花心機同我解釋，頸鍊、鞋、頭飾，阿Sum都係全部準備，因為我嘅工種關係，見到阿Sum 一個女仔咁努力💪，真係衷心佩服佢。😘

佢做嘢好用心，佢舖頭嘅衫唔算太多，但每次見到都好係好新正，睇得出佢對每一個細節都非常之認真，如果啲衫有少少突起，阿Sum係可以即時幫我補番，令到上身非常之貼身，我係完全估唔到一個化妝師係可以同時做到咁多嘢。

Pre-Wedding影相當日我哋有去到山頂公園，可能前一兩日落完雨，草地好濕，我開頭都有啲擔心會整污糟佢嘅婚紗，但係阿Sum 係好Care你，叫你唔洗太擔心，只想影相有更好嘅效果，當攝影師一Break time嘅時間，Sum都會即刻幫我執妝髮，所有細節都好用心。🥰

我搵Sum love Makeup係for媽咪同埋姊妹嘅妝，所以一開始我冇話好特別嘅要求。但係儘管我冇提過要求，但係佢哋都會盡量做到最好，一啲都唔會馬虎。👍

當日派咗兩個同事過嚟幫手，我見到佢哋化妝嘅時候都會同媽咪、姐妹傾吓計，好似朋友咁nice。化妝師嘅功力好出色，我媽咪嘅妝係第一個化嘅，去到夜晚都keep得好好，冇甩妝嘅跡象，反映到佢哋化妝師嘅技巧好高超。總括而言我覺得Sum Love Makeup屬於價廉物美嘅公司，服務質素同埋價錢絕對成正比，性價比好高，絕對係物超所值㗎。✨