我都係喺婚展搵到佢哋，但我哋決定去韓國影pre-wedding其實都幾突然。事緣係因為上年16年十月我老豆60大壽，我想請佢去韓國旅行。我哋買機票嘅時候就發現如果早幾日去就有平機票，而我父母就未放假。咁我同老婆早兩日去又唔知做咩好，諗諗下就不如去韓國影pre-wedding。我哋係年頭買機票，就即刻去婚展度搵，就搵到SignLove，佢show出嚟啲版又做緊好大嘅discount，$14,000已經全包哂大細相薄同埋油畫畫框，實在太抵。咁啱我哋想要嗰間韓國studio又有期，所以就決定join。 佢哋同其他價錢實在差得太遠，就算local影都搵唔到呢個價，冇得輸，一定係揀佢。我哋出面睇過SA嗰啲，太過peak season嘅哋方未必真係搵到一啲韓國crew俾你。同SignLove都係講個信字，現場佢就拍哂心口話一定係韓國crew，我哋去到都好肯定佢哋冇講大話，佢哋都真係韓國人。 佢哋係有埋翻譯去酒店接我哋，所以我哋唔需要搵交通，全程佢哋都有翻譯幫我哋搞掂哂，去揀衫嘅哋方揀哂衫，喺studio度影，跟住個攝影師同我哋去我哋揀嘅哋方度影，影哂所有嘢，都有翻譯喺中間幫我哋。雖然翻譯係普通話同韓文，但係我覺得都已經足夠俾我哋溝通。 揀相方面佢已經喺你簽約嘅時候講咗，係靠email同埋靠填form，佢就幫我哋翻譯做韓文彈俾韓國嗰邊幫我哋執。起初我就有啲擔心溝通唔到同埋執唔切，因為我哋十月先影，下年四月就要。但係佢哋都好知道我哋係趕時間，都好細心哋幫我哋跟得好緊。